اۋىل شارۋاشىلىعى ەكس-ۆيسە ءمينيسترى ءمۇسلىم ومىريايەۆ پەن «استانا ەكسپو-2017» قۇرىلىس دەپارتامەنتىنىڭ بۇرىنعى باسشىسى قاجىمۇرات ۇسەنوۆ راقىمشىلىققا ىلىكتى دەپ حابارلايدى قامشى اقپاراتتىق اگەنتتىگى informburo.kz-كە سىلتەمە جاساپ.
ەستەرىڭىزگە سالا كەتەيىك، ءمۇسلىم ومىريايەۆ 2014 جىلى 100 000 دوللار پارا الدى دەپ ايىپتالىپ، 10 جىلعا باس بوستاندىعىنان ايىرىلعان.ول سوت شەشىمىمەن قاتاڭ تۇزەتۋ مەكەمەسىندە جازاسىن وتەپ جاتقان.
ال قاجىمۇرات ۇسەنوۆ "استانا ەكسپو"-عا تيەسىلى 214 ميلليون تەڭگەنى جىمقىردى دەپ ايىپتالىپ، 2 جىلعا باس بوستاندىعىنان ايىرىلعان. «استانا ەكسپو-2017» قۇرىلىس داپەرتامەنتىنىڭ بۇرىنعى باسشىسى راقىمشىلىققا ىلىنگەنى تۋرالى ق ر ءىىم قىلمىستىق-اتقارۋ جۇيەسىنىڭ باسپا ءسوز قىزمەتى حابارلادى.
قاجىمۇرات ۇسەنوۆ 2013 جىلى BMW-ح6 ماركالى كولىكپەن 6 ادامدى قاعىپ كەتكەن ماقسات ۇسەنوۆتىڭ اكەسى. ادامداردىڭ ءبىرى كوز جۇمعان.
