ۇلان اۋدانىنىڭ تايىنتى اسۋىندا جەل ەلەكتر ستانسياسى سالىنادى دەپ حابارلايدى قامشى اا. قۇرىلىسى اعىمداعى جىلدىڭ ەكىنشى جارتىجىلدىعىندا جوسپارلانعان ستانسيا ۇلان اۋدانىن تولىقتاي ەلەكتر قۋاتىمەن قامتاماسىز ەتۋگە قاۋقارلى.

بۇل جايلى شىعىس قازاقستان ايماقتىق كوممۋنيكاسيالار قىزمەتىندە وتكەن باسپا ءسوز ءماسليحاتى بارىسىندا وبلىستىق ەنەرگەتيكا جانە تۇرعىن ۇي-كوممۋنالدىلىق شارۋاشىلىعى باسقارماسى باسشىسىنىڭ م.ا. المات ارسلامبايەۆ مالىمدەدى.

ايتا كەتسەك، ستانسيانىڭ جوسپارى 2013 جىلى جاسالعان. بارلىق جوبالىق-سمەتالىق قۇجاتتارى ازىرلەنىپ، ينۆەستور دا تابىلعان. دەگەنمەن جوبا باسشىسى مەن ينۆەستور ەلەكتر قۋاتىنىڭ باعاسىنا كەلىسە الماۋشىلىعىنان جوبانىڭ مەرزىمى دە ۇزارتىلادى.

– قازىرگە دەيىن تايىنتى اسۋىندا قاجەتتى زەرتتەۋ جۇمىستارى جۇرگىزىلىپ، جوبا ءوز سوڭىنا جەتتى. ەندى كەلەسى جارتىجىلدىقتان باستاپ جاڭا ستانسيانىڭ قۇرىلىسى باستالادى. قۋاتى 24 مۆت بولاتىن ستانسيا ۇلان اۋدانىن تولىقتاي ەلەكتر قۋاتىمەن قامتاماسىز ەتىپ، قالعان قۋات رەسپۋبليكالىق جالپى جەلىگە جىبەرىلەتىن بولادى، – دەدى المات ارسلامبايەۆ.