16 ساۋىردە  اقمولا وبلىسىنىڭ اتباسار كەنتىنە اپاتتار مەديسيناسى ورتالىعىنىڭ 3 شۇعىل ارەكەت ەتۋ بريگاداسى جۇمىلدىرىلدى. سونىمەن قاتار زارداپ شەككەن تۇرعىندارعا شۇعىل پسيحولوگيالىق كومەك كورسەتۋ ماقساتىندا 2 پسيحولوگ ماماندارى جونەلتىلدى دەپ حابارلايدى قامشى اا ق ر ءىىم تجك اپاتتار مەديسيناسى ورتالىعىنا سىلتەمە جاساپ.

         ءبىر تاۋلىكتىك ەسەپ بويىنشا بارلىعى 12 تۇرعىنعا مەديسينالىق كومەك كورسەتىلدى، ولاردىڭ قاتارىندا ەمدەۋ مەكەمەلەرىنە جەتكىزىلگەندەر سانى 2 ادامدى قۇرادى. جەرگىلىكتى تۇرعىندار قان قىسىمىنىڭ كوتەرىلۋى مەن جۇيكە اۋرۋلارىنىڭ قوزۋىنا شاعىمدانادى.

         زارداپ شەككەندەرگە شۇعىل پسيحولوگيالىق كومەك پەن دەر ۋاقىتتا حابار بەرۋى ءۇشىن «قاۋىرت جەلى» تەلەفونى قۇرىلىپ، بارلىعى 53 قوڭىراۋ قابىلداندى.

         اپاتتار مەديسيناسى قىزمەتكەرلەرى ورتالىق وڭىرلىك اەروۇتقىر جەدەل-قۇتقارۋ جاساعىمەن بىرگە 50 اۋلانى ارالاپ شىقتى. دارىگەرلەر كومەككە جۇگىنىپ كەلگەن ادامدارعا قىزمەت كورسەتۋدى جالعاستىرۋدا. جوعارى بىلىكتى مامانداردان قۇرىلعان شۇعىل مەديسينالىق بريگادالار قاجەتتى دارى-دارمەكپەن، مەديسينالىق بۇيىمدارمەن قامتىلعان.