اقش پرەزيدەنتى دونالد ترامپ تۇركيا باسشىسى رەجەپ ەردوعاندى قۇتتىقتاۋ ماقساتىندا قوڭىراۋ شالدى دەپ حابارلايدى ۆۆس.
پرەزيدەنت ەردوعان ءوز سوزىندە: «تۇرىك تاريحىندا العاش رەت حالىق وتە ماڭىزدى كونستيتۋسيالىق وزگەرىستەرگە داۋىس بەرىپ وتىر. وسىعان دەيىن وزگەرىستەردى پارلامەنت شەشەتىن، بۇل جولى حالىق ءوز كۇشىن كورسەتتى. حالىق شەشىمىنە وزگە مەمەلەكەتتەر قۇرمەتپەن قارايتىنىنا سەنىمدىمىن»، - دەدى. الايدا، مەملەكەتتىڭ وپپوزيسيالىق بولىگى – رەسپۋبليكالىق حالىق پارتياسى داۋىستى قايتا ەسەپتەن وتكىزۋدى تالاپ ەتتى.
ەستەرىڭىزگە سالساق، رەفەرەندۋم كونستيتۋسيانىڭ ون سەگىز بابىنا وزگەرتۋ ەنگىزۋ ماسەلەسى بويىنشا وتكەن. ەگەر وزگەرىس ەنگىزىلسە، ەلدە پرەمەر-مينيستر لاۋازىمى جويىلادى، پرەزيدەنت ۆيسە-پرەزيدەنتتەردى، مينيسترلەردى جانە جوعارى شەندى وزگە شەنەۋنىكتەردى ءوز بەتىنشە تاعايىنداي الادى. سونداي-اق، پرەزيدەنت سوت جۇيەسىنە ارالاسۋعا مۇمكىندىك الادى، وزدىگىنەن توتەنشە جاعداي جاريالاپ، جارلىقتار شىعارا الادى.
اۋدارعان: الينا بولاتبەك
