تۇڭعىشباي جامانقۇلوۆتىڭ ءوز كىناسىن مويىنداۋ كەزىندەگى ۆيدەوسى مەدەۋ اۋداندىق سوتى كەزىندە ايعاق رەتىندە قولدانىلدى دەپ حابارلايدى قامشى اا zakon.kz سىلتەمە جاساپ.

ەسكە سالا كەتەتىن بولساق، تۇڭعىشباي جامانقۇلوۆقا مەملەكەتتىك قارجىنى ءوز پايداسىنا جاراتتى دەگەن ايىپ تاعىلعان بولاتىن. وسى كۇنگە دەيىن حالىققا بەلگىلى ءارتىس ءوز كىناسىن مويىنداماعان ەدى.

«ءيا، مەن ءوز كىنامدى تولىق مويىندايمىن. وزىمە تاعىلعان ايىپتىڭ ورىندى ەكەنىنە كۋالىك ەتەمىن. بۇل شەشىمدى ءوز ەركىممەن قابىلدادىم جانە دە بۇعان قاتتى وكىنە وتىرىپ، قولمەن ىستەگەنىمدى موينىممەن كوتەرەمىن.»،- دەيدى ول ءوز مويىنداۋىندا.

وسىنداي جاعدايدى العاش رەت باستان وتكەرگەن سوڭ نە ىستەرىن بىلمەگەن تۇڭعىشباي جامانقۇلوۆ ءوز كىناسىن مويىنداماعان.

ول  «فينيكس» ءفيلمىنىڭ پروديۋسەرىنەن ءوز پايداسى ءۇشىن 5-6 ملن تەڭگە سۇراعان، ءبىراق ونىڭ سەبەبىن ايتپاعان. ونىڭ ايتۋى بويىنشا، ول اقشانى ءوز ءۇيىنىڭ جوندەۋ جۇمىستارىنا جۇمساعان.

ناتاليا يۋدينا باسىندا 3 ملن تەڭگە بەرگەن، ءبىراق ول اقشا تۇڭعىشباي جامانقۇلوۆتىڭ قاجەتتىلىگىنە جەتپەي، تاعى دا 2 ملن تەڭگە العان.

ۆيدەودا تۇڭعىشباي جامانقۇلوۆ كەلتىرگەن زيانىنىڭ اقىسىن وتەۋگە ۋادە بەرەدى. سونىمەن بىرگە تەرگەۋ بارىسىندا ەشكىم مويىنداۋعا ماجبۇرلەمەگەنىن، بارلىعىن ءوز ەركىمەن مويىنداعانىن ايتادى.  تۇڭعىشباي جامانقۇلوۆتىڭ مويىنداۋ بارىسىندا ەشكىم زيان كەلتىرمەگەنى تۋرالى سوت-مەديسينالىق ساراپتاماسى دا دالەلدەپ وتىر.