قامشىنىڭ حات قورجىنىنا وڭتۇستىكتەن ەرەكشە حات كەلىپ ءتۇستى. بالالارعا باتىرلار جىرىپ جاتتاتقىزىپ، مۇعالىمدەرىنە ماشينا مىنگىزبەك شىرايلى وڭىرگە ءبىز ريزامىز. وقىرمان نازارىنا ءومىرزاق اقجىگىتتىڭ بايقاۋ يدەياسى قالاي پايدا بولعانى تۋرالى قىسقاشا تۇسىندىرمەسىن ۇسىنامىز. ودان كەيىنگىسى بايقاۋ ۇيىمداستىرۋشىسىنىڭ كونكۋرس شارتتارىنىڭ ەرەجەسىن تۇسىندىرگەن جازباسى.

 "وڭتۇستىك قازاقستان" گازەتىنىڭ باس رەداكتورى اباي بالاجان وسىدان ەكى-ۇش اي بۇرىن "گازەتىمىز مەكتەپ بالالارى اراسىندا قازاقتىڭ باتىرلار جىرىن جاتقا ايتۋدان جارىس وتكىزۋگە مۇرىندىق بولسا ەكەن" دەگەن يدەيا تاستاپ ەدى. ءبىراق، ول ماسەلە قاپتاعان كۇندەلىكتى كوپ تىرلىك تاساسىنان قايتىپ كوتەرىلە قويماعان بولاتىن.سويتسەك، ءبىز ۇمىتقانمەن ابەكەڭ ۇمىتپاپتى، ۇلتتىڭ رۋحى كوتەرىلۋى ءۇشىن وتە ومىرشەڭ، تولعاعى ابدەن پىسىپ-جەتىلگەن بۇل يدەياسىن وبلىستىق وقۋ باسقارماسىن اپارىپ ۇسىنىپتى، ولار "ۋرالاپ" قارسى الىپتى.

شىركىن-اي، بالالىق شاعىم قايتا ورالار ما ەدى دەپ مەن وتىرمىن. ويتكەنى، 4-كلاسقا كوشكەندە اۋىلدىڭ كەمپىر-شالىنا وقي-وقي "قوبىلاندى"، "الپامىس"، "ەر تارعىن"، "قىز جىبەك" قيسسالارىن جاتقا سوعاتىن ەدىم. "قامبار باتىردى" دا وقيتىنمىن، ءبىراق، وندا انالارداي قىرعىن سوعىس از بولاتىن، سوندىقتان ونشا قىزىقپايتىنمىن.
ەندى ءبىزدىڭ گازەت جۇلدەسى ءۇشىن جارىستى ناق سول - ەڭ كولەمى از ەكەندىگىن ەسكەرىپ -"قامبار باتىردان" باستاماقپىز. ءارى قامبار باتىر جەرلەسىمىز، كۇنگەيلىك، جىردا

"جارىستى ەندىگى جىلدان باستاپ، قۇداي قالاسا، رەسپۋبليكا كولەمىندە وتكىزەتىن بولامىز. "الپامىس، قوبىلاندى، ەر تارعىن، ەر سايىن، ەر كوكشەلەردى دە قوسامىز. مۇمكىن، ول كەزدە جاس تالاپتىڭ وزىنە دە تەمىر تۇلپار مىنگىزىپ قالارمىز" دەيدى ابەكەڭ.قالاي بولعاندا دا "باستادى اباي ءبىر ءىستى، اللا وڭعارسىن بۇل ءىستى!" دەيمىز. دەپ قانا قويمايمىز، بۇكىل رەداكسيا بولىپ بايقاۋعا ات سالىسامىز.ول ءبىزدىڭ گازەتتىڭ برەندىنە اينالاتىن بولادى! 

جاس جەتكىنشەكتەر، العا! "ۇستازىنا ماشينا مىنگىزگەن العاشقى وقۋشى" اتانىپ تاريحقا كىرەسىڭدەر. 

ال، بىزگە "بەگىم-ايدىڭ" ىزىمەن "مەن مەكتەپتە جۇرگەن كەزدە نەگە وتپەدىڭ؟..." دەۋ عانا قالادى...

(تومەندە بايقاۋ شارتتارى بەرىلىپ وتىر)

«وڭتۇستىك قازاقستان» گازەتى رەداكسياسىنىڭ ۇجىمى ءبىر يگىلىكتى ءىس-شارانى قولعا العالى وتىر. اتاپ ايتقاندا، بيىلعى وقۋ جىلىنىڭ سوڭعى كۇندەرىنىڭ بىرىندە اۋدان-اۋدانداردا «جاقسىلار، داستان ايتايىن!» اتتى باتىرلار جىرى بايقاۋىن وتكىزۋدى نيەت ەتىپ وتىرمىز.

 بۇل – بۇگىنگى ۇرپاق ۇمىت قالدىرعان باتىرلار جىرىن ناسيحاتتاۋ عانا ەمەس، جاسوسپىرىمدەردىڭ ادەبيەتكە دەگەن قىزىعۋشىلىعىن وياتۋ. سونداي-اق، مەكتەپ مۇعالىمدەرىنىڭ، ونىڭ ىشىندە قازاق ءتىلى مەن ادەبيەتى ءپانى ءمۇعالىمىنىڭ بەدەلىن كوتەرۋ بولىپ تابىلادى.

 بايقاۋعا 5-10 سىنىپ ارالىعىنداعى وقۋشىلار قاتىسادى. ءوز اۋداندارى مەن قالالارىندا العاشقى ءۇش ورىندى جەڭىپ العان وقۋشىلار وبلىستىق بايقاۋعا جولداما الادى. وبلىستىق بايقاۋدا جەڭىمپاز اتانعان وقۋشىنى دايىنداعان مۇعالىمگە «تەمىر تۇلپاردىڭ» كىلتى تابىس ەتىلەدى. باسقا دا جۇلدەگەرلەر سىي-سياپاتسىز قالمايدى.
بيىلعى تاقىرىپ – «قامبار باتىر» جىرى.

 بايقاۋدىڭ ەرەجەلەرى مەن شارتتارى  «قامشىدا» جانە گازەت بەتىندە قوسىمشا جاريالانادى.

ال، ازىرگە سىزدەر «قامبار باتىر» جىرىن جاتتاي بەرىڭىزدەر. انىقتاما الۋ ءۇشىن باس رەداكتوردىڭ ورىنباسارى گۇلجامال مۇسايەۆاعا 8-775-609-23-63 تەلەفونىنا حابارلاسۋلارىڭىزعا بولادى.

«وڭتۇستىك قازاقستان» گازەتى رەداكسياسىنىڭ ۇجىمى.