«ارسەنال ەرلەرى» اتتى جۇك كەمەسى بۇگىن تاڭعا جۋىق قارا تەڭىز ايدىنىندا اپاتقا ۇشىرادى، دەپ حابارلايدى قامشى اا.
قىرىم تجد باسپا ءسوز قىزمەتىنىڭ حابارلاۋىنشا، وقىس وقيعا بولعان جەرگە جەدەل كومەك جىبەرىلدى. اقپارات ناقتىلانۋدا.
ينتەرفاكس اگەنتتىگىنىڭ مالىمەتىنشە، قۇتقارۋشىلار كەرچ پارومىنداعى راداردان جوعالىپ كەتكەن جۇك كەمەسىن ىزدەۋ ءۇشىن ۇشاقتار جۇمىلدىردى.
«تاڭعا جۋىق قاتتى جەل مەن داۋىل ورىن العان كەرچ اۋدانىنداعى راداردان جۇك كەمەسىنىڭ جوعالىپ كەتكەنى جايىندا حابار كەلدى. اقپاراتتى ناقىتلاپ جاتىرمىز»، دەلىنگەن اگەنتتىكتە.
سونداي-اق، اۋا-رايىنىڭ قولايسىزدىعىنا بايلانىستى كەرچ پارومىنىڭ جۇمىستارى ۋاقىتشا توقتاتىلدى.
