51 جاستاعى وكلاحوما تۇرعىنى جەنيەۆا روبينسوندى جالماۋىز كەمپىردىڭ كيىمىن كيىپ، نەمەرەسىن قورقىتقانى ءۇشىن ومىرلىك باس بوستاندىعىنان ايىردى. ال ونىڭ ازاماتتىق نەكەدەگى كۇيەۋى دجوشۋا گرەيندجەردى بالالارعا قاتىگەزدىك كورسەتكەنى ءۇشىن 30 جىلعا سوتتادى دەپ حابارلايدى قامشى اا Associated Press اگەنتتىگىنە سىلتەمە جاساپ.

جەنيەۆا روبينسون جالماۋىز كەمپىردىڭ كيىمىن كيىپ، 7 جاستاعى نەمەرەسىن ۇنەمى قورقىتىپ جۇرگەن. ول ۇيىقتاپ جاتقاندا ونى ۇرىپ، تىرناپ، شاشىن قيعان.

جەنيەۆا نەمەرەسىن اۋرۋحاناعا الىپ كەلگەن. بالا بارلىعىن دارىگەرلەرگە ايتىپ بەرگەننەن كەيىن ونى بىردەن قاماۋعا العان. بالا تاماق ىشپەگەننەن قاتتى السىرەگەن. سونىمەن قاتار، ونىڭ دەنەسىنەن كوپتەگەن جارالاردى كورگەن. ال جەلكەسىندە تىرتىق بولعان.

ءۇيدى ءتىنتۋ بارىسىندا 7 جاسار بالانىڭ ايتقانىن دالەلدەيتىن ايعاقتار تابىلعان.

«جالماۋىز كەمپىر» اجەسى كۇيەۋىمەن نەمەرەسىنەن بولەك 3 بالانى تاربيەلەگەن.