ش.ايمانوۆ اتىنداعى «قازاقفيلم» كينوستۋدياسىنىڭ «دەبيۋت» شىعارماشىلىق-وندىرىستىك بىرلەستىگى قىسقامەتراجدى كوركەم فيلمدەردىڭ سەنارييلەرىن قاراستىرۋ ءۇشىن قابىلدايتىن بولادى. قويىلاتىن شارتتار:

- بايقاۋعا ق ر ازاماتتارى عانا قاتىسا الادى؛

- سەناريي 5 پەن 20 پاراق ارالىعىندا قازاق نەمەسە ورىس تىلدەرىندە جازىلعان سەناريي نەمەسە ادەبي شىعارمالار جەلىسى بويىنشا (ءبىر نەمەسە بىرنەشە اۆتورلار) بولۋى ءتيىس؛

- ءبىلىمىڭىز ارنايى نەمەسە كينەماتوگرافيا سالاسىنا جاقىن بولۋى قاجەت، سونداي-اق سەنارييشى نەمەسە رەجيسسەر رەتىندە جاساعان  جوباڭىز بولعانى ابزال.

سەنارييلەر 2017 جىلدىڭ 1 مامىرىنا دەيىن قابىلدانادى.

«دەبيۋت» ءشوب قابىلدانعان سەنارييلەردىڭ وندىرىسكە جىبەرىلۋىنە كەپىلدىك بەرمەيدى.

تەلەفوندار: + 7 727 302 12 62، + 7 727 313 11 35

* سەنارييدە تومەندەگى مازمۇنداعى ساحنالار بولماۋى ءتيىس: كونستيتۋسيالىق قۇرىلىمدى كۇشتەپ وزگەرتۋدى ۇگىتتەۋ نەمەسە ناسيحاتتاۋ؛ رەسپۋبليكانىڭ تۇتاستىعىن بۇزۋ؛ مەملەكەت قاۋىپسىزدىگىنە زيانكەستىك جاساۋ؛ الەۋمەتتىك، ناسىلدىك، ۇلتتىق، ءدىني، تەكتىك جانە رۋلىق ۇستەمدىكتى، قاتىگەزدىك پەن زورلىق-زومبىلىقتى ۇگىتتەۋ نەمەسە ناسيحاتتاۋ كورىنىستەرى، سونىمەن قاتار پورنوگرافيالىق جانە ارناۋلى سەكسۋالدىق-ەروتيكالىق سيپاتتاعى كورىنىستەر.