قازاقستان مىندەتتى الەۋمەتتىك مەديسينالىق ساقتاندىرۋ(ءمامس) باعدارلاماسىن ەنگىزۋ ءۇشىن حالىقارالىق رەكونسترۋكسيا جانە دامۋ بانكىنەن $80 ملن.  قارىزعا الادى، دەپ حابارلايدى قامشى اا.

بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ حابارلادى. «ق ر مەن حالىقارالىق رەكونسترۋكسيا جانە دامۋ بانكىنىڭ اراسىنداعى كەلىسىم پرەزيدەنتتىڭ قاۋلىسىمەن بەكىتىلگەن. بۇل كەلىسىم پارلامەنتتىڭ قۇزىرىندا. الىنانتىن سوما - $80 ملن.. ق ر قارجىلاندىرۋ سوماسى - $10  ملن.. سياقى مولشەرلەمەسى - 2،3%، وتەۋ مەرزىمى - 15 جىل. قارىز الۋدىڭ تولىققاندى وتەتىن ۋاقىتى 30 ماۋسىم 2021 جىل. بۇل جوبانىڭ باستى ماقساتى – جۇيەنىڭ قولجەتىمدىلىگىن كۇشەيتۋ. جوبا اياسىندا ءبىرىڭعاي ۇلتتىق دەنساۋلىق ساقتاۋ جۇيەسىنە باسىمدىلىقتار بەرىلگەن»، - دەدى ەلجان ءبىرتانوۆ.

ونىڭ ايتۋىنشا، بۇل جوبا ءۇش كومپونەنتتەن تۇرادى: ءمامس جۇيەسىن ەنگىزۋگە كومەك($14،68 ملن.)، ءمامس جۇيەسىن ەنگىزۋ كەزىندە مەديسينالىق قىزمەت كورسەتۋدى كۇشەيتۋ($5،1 ملن.)، «اقپاراتتىق-كوممۋنيكاسيالىق مونيتورينگ جۇرگىزۋ جانە باعا بەرۋ»، ياعني جوبانى باسقارۋ($9،25 ملن.).

سونىمەن قاتار، قازاقستاننىڭ ءار ايماعىندا دارىگەرلەرگە حالىقارالىق تاجىريبە جۇمىستارىن ۇيرەنۋگە ارنالعان ورتالىق اشىلاتىن بولادى. ولاردى جاڭا قۇرىلعىلارمەن قامتاماسىز ەتىپ، وقىتۋ بارىسىندا ءبىرىڭعاي ستاندارتتى جۇيە ويلاپ تابىلادى. جەدەل جاردەم قىزمەتىن كۇشەيتۋ ماقساتىندا بۇل ورتالىق جەدەل جاردەم كولىكتەرىمەن قامتاماسىز ەتىلەدى. جانە دەنساۋلىقتى قورعاۋ ساۋالدارىنا جاۋاپ بەرەتىن ءبىرىڭعاي call-ورتالىقتار اشىلىپ، ولارعا قاجەتتى مامانداردى دايىنداۋ باستالادى. اتالعان قىزمەتتەردىڭ كۇشەيتىلۋى حالىقارالىق ساراپشىلاردىڭ قاتىسۋىمەن رەسپۋبليكالىق جانە ايماقتىق دەڭگەيدە جۇرگىزىلەتىن بولادى.

«پاۆلودار جانە سولتۇستىك قازاقستان وبلىستارىندا جۇيەنى ىسكە اسىرۋ جوباسى قارقىندى ءجۇرىپ كەلەدى. ەندى وسى جوبانى بەس وبلىسقا ەنگىزىلەدى. جۇيەنى 200 اۋرۋحاناعا ەنگىزىپ، ولاردى قاجەتتى قۇرىلعىلارمەن قامتاماسىز ەتۋ جۇمىستارى جاسالادى. سونىمەن قاتار، ادامداردى ديستانسيوندى رەجيمدە قابىلدايتىن سمارت جوبادا قاراستىرىلۋدا»، – دەدى دەنساۋىق ساقتاۋ ءمينيسترى. 

جاڭا جۇيەنى ەنگىزۋگە ارنايى ورگان جاۋاپ بەرەتىن بولادى. «وعان قوسا، اۋرۋحانالار مەن ءبىلىم بەرۋ(كوللەدج، ۋنيۆەرسيتەت) مەكەمەلەرى اراسىنداعى بايلانىستى كۇشەيتۋ جوسپارلانىپ وتىر. كادر دايارلاۋعا ارنالعان كلينيكالارعا دا كوپ كوڭىل بولىنۋدە»، – دەپ اياقتادى ءسوزىن ەلجان ءبىرتانوۆ.