جانۋارلاردى قورعايتىن ۇيىمعا بەلگىسىز بىرەۋ حابارلاسىپ، بانگكوكتاعى اۋدانداردىڭ بىرىندە جانۋاردى ادام شوشىرلىق جاعدايدا ۇستاپ وتىرعانىن حابارلاعان.

قۇتقارۋشىلار وقيعا ورنىنا كەلگەندە اسسامدىق مايمىلدى كورگەن. ونىڭ اتى دجو ەكەن. 1988 جىلى مايمىلدى ادامدار اسىراپ العان.  1991 جىلعا دەيىن ونى ءۇي جانۋارى سەكىلدى ۇستاعان. الايدا ول وسكەننەن كەيىن ونى تار تورعا قاماعان ەكەن. 25 جىل بويى دجو سول توردان شىقپاعان.

قۇتقارۋشىلار مايمىلدى ساتىپ الدى. ونى توردان الىپ شىققاندا جانۋاردىڭ قاتتى السىرەگەنىن بايقاعان. ول 25 جىل بويى ءبىر ورىننان قيمىلداماعان. سوندىقتان قايتا ءجۇرىپ كەتۋى وتە قيىنعا سوقتى. وعان ۇزاق ۋاقىت قاجەت بولدى.

تايلاندتا جانۋارلاردى قورعايتىن ۇيىمدى قۇرعان ازامات 17 جىلدا جانۋاردى مۇنداي حالگە جەتكەنىن كورمەگەنىن ايتادى.

ءقازىر مايمىلدىق جاعدايى تۇزەلىپ كەلەدى. بۇل مايمىلدىڭ ءتۇرى ورتاشا ەسەپپەن 35 جىل ءومىر سۇرەدى. قۇتقارۋشىلار ونىڭ جانۋارلارعا ءتان قالىپتى ءومىر ءسۇرىپ ۇلگەرەدى دەگەن سەنىمدە.