رەسەيدىڭ كراسنودار، تومسك جانە نوۆوسيبيرسك قالالارىنىڭ باسشىلىعى 29 ءساۋىر كۇنى «وتكرىتايا روسسيا» قوزعالىسىنىڭ «نادوەل» دەپ اتالاتىن اكسياسىن وتكىزۋگە رۇقسات بەردى، دەپ حابارلايدى، قامشى اا ازاتتىق راديوسىنا سىلتەمە جاساي وتىرىپ.

اكسياعا قاتىسۋشىلار پرەزيدەنت ۆلاديمير پۋتيننەن الداعى پرەزيدەنت سايلاۋىنا قاتىسپاۋدى سۇراماق.

كراسنوداردا ميتينگ پوبەدا الاڭىندا وتەدى. ۇيىمداستىرۋشىلار بۇدان سوڭ شەرۋ وتكىزبەك بولعان. ءبىراق بيلىك وعان رۇقسات بەرمەگەن. تومسكىدە اكسيا نوۆو-سوبورنايا الاڭىندا وتەتىنىن بولدى. ال نوۆوسيبيرسك بيلىگى اكسيا وتكىزۋگە رۇقسات بەرگەنىن، ءبىراق ونى الاڭدا ەمەس، كينوتەاترعا اۋىستىرعانىن حابارلادى.

كەشە ماسكەۋ مەرياسى دا «وتكرىتايا روسسيا» قوزعالىسىنىڭ اكسياسىن وتكىزۋگە رۇقسات بەرگەنى، ءبىراق ۇيىمداستىرۋشىلارعا ونى ساحاروۆ داڭعىلىندا وتكىزۋدى ۇسىنعانى بەلگىلى بولعان. ال پەتەربور بيلىگى اكسياعا رۇقسات بەرمەگەن.

29 ساۋىردە وتەتىن «نادوەل» اكسياسىنىڭ قالاي وتەتىنى وتكەن سەنبىدە بەلگىلى بولعان. ربك اگەنتتىگىنىڭ اقپاراتىنا قاراعاندا، اكسيالاردا رەسەي بويىنشا ۆلاديمير پۋتين اكىمشىلىگىنە پرەزيدەنتتى 2018 جىلى وتەتىن سايلاۋعا كانديداتۋراسىن ۇسىنباۋعا شاقىراتىن ۇندەۋلەر جولداۋ جوسپارلانىپ وتىر.