21 ساۋىردەن باستاپ «قازاقستان» ۇلتتىق تەلەارناسىندا «پاراسات مايدانى» اتتى جاڭا جوبانىڭ تۇساۋكەسەرى وتەدى دەپ حابارلايدى قامشى اا kaztrk.kz-كە سىلتەمە جاساپ.

بۇل جوبا مادەنيەت، عىلىم، ونەر جانە ادەبيەت سالالارىنداعى بىلىكتى مامانداردىڭ پىكىرسايىسىن ورتاعا سالماق.  ءار سالاداعى اعا بۋىن مەن جاس بۋىن وكىلىن ستۋدياعا شاقىرىپ، باي تاجىريبە مەن قازىرگى زامان جاڭاشىلدىعىن سالىستىرىپ  قىزۋ تالقىلايتىن بولادى.

سونداي-اق، قازىرگى قوعامنىڭ دامۋ باعىتىنا، بولىپ جاتقان جاڭالىقتار مەن وزگەرىستەرگە رۋحانيات وكىلدەرىنىڭ تورەلىك ايتۋ بەدەلىن قالىپتاستىرۋ، جان-جاقتى  ءبىلىمدى، الەمنىڭ ۇزدىك تاجىريبەسىن يگەرگەن، جاڭا ويلاۋ ۇردىسىندەگى ازاماتتاردىڭ تۇلعالىق پورترەتىن ناسيحاتتاۋدى ماقسات تۇتادى. 

باعدارلامانى بەلگىلى جۋرناليست دارحان ابدىك جۇرگىزەتىن بولادى. ءار حابارعا 2 كەيىپكەر قاتىسادى.  جۇرگىزۋشى سۇراقتاردى قوناقتاردىڭ بۇرىن-سوڭدى ايتىپ جۇرگەن باتىل ويلارى، تىڭ پىكىرلەرى توڭىرەگىندە وربىتەدى. ورتاعا سالىنعان وي-پىكىردەن كورەرمەن ءوز ىزدەگەنىن تاۋىپ، سۇراقتارىنا جاۋاپ الۋى كەرەك.

21 ساۋىردەن باستاپ، 23:45-تە «قازاقستان» ۇلتتىق تەلەارناسىنان  «پاراسات مايدانى» باعدارلاماسىن وتكىزىپ الماڭىزدار!