ءوڭىر باسشىسى قۇمار اقساقالوۆ پەن «نۇر وتان» پارتياسىنىڭ حاتشىسى فارحاد قۋانعانوۆ ع.مۇسىرەپوۆ اتىنداعى اۋداننىڭ  شارىق وزەنىنىڭ دەڭگەيى كوتەرىلۋىنەن سۋ ارناسىنان شىعىپ 157 ءۇيدى باسقان ءۇش ەلدى مەكەندە بولدى دەپ حابارلايدى قامشى اا. وندا دۇيسەنبىدەن بەرى توتەنشە جاعداي. 

رۋزايەۆكا اۋىلىندا وبلىس اكىمى سۋدان زارداپ شەككەن  جەرگىلىكتى تۇرعىندارمەن كەزدەستى.

- ەشكىم دە ءوز ماسەلەسىمەن جەكە قالمايدى. كوميسسيا جۇمىس ىستەپ جاتىر، ولار ءاربىر ۇيدە بولدى. ءقازىر ءبىز شىعىننىڭ كولەمىن انىقتاۋىمىز كەرەك، وتەماقى بويىنشا ماسەلە سوسىن شەشىلەدى. سىزدەردىڭ ماسەلەلەرىڭىزدى شەشۋگە كومەكتەسەتىنىمىزدى بىلۋلەرىڭىز كەرەك. ءقازىر  قوعامدىق ۇيىمداردىڭ شوتتارىنا  اقشا تۇسە باستادى، بارلىق جاقتان كومەك كەلۋدە. از ۋاقىتتىڭ ىشىندە بارلىعىنا وتەماقى تولەيمىز جانە كومەكتەسەمىز. ،- دەدى قۇمار اقساقالوۆ.

«نۇر وتان» پارتياسىنىڭ حاتشىسى فارحاد قۋانعانوۆ وسى جەردە  قالىپتاسقان جاعدايدى بايقاۋ ءۇشىن استانادان ارنايى كەلگەنىن دە اتاپ ايتتى ءوڭىر باسشىسى زارداپ شەككەندەرمەن اڭگىمە بارىسىندا.

 - جاعدايدى باقىلاۋدا ۇستايمىز دەپ سىزدەردى سەندىرەمىن. بارلىق ماسەلەلەرىڭىز ەسكەرىلەتىن بولادى. سىزدەر ءۇشىن اۋداننىڭ، وبلىستىڭ باسشىلارى، قازاقستاننىڭ بارلىق وڭىرلەرى الاڭداپ وتىر،- دەدى فارحاد قۋانعانوۆ

وبلىس اكىمى وتەماقى تولەۋدىڭ جاعدايى تۋرالى دا ايتىپ ءوتتى.

- سىزدەر تۇراتىن ورىندار دايىندايمىز جانە ءبىر جارىم ايدىڭ ىشىندە اقشا ماسەلەسىن شەشەمىز. وندا انىقتالعان ءتارتىپ بار. ساقتالۋعا ءتيىس ەرەجە مەن بەلگىلەنگەن كوميسسيا بار، كەلتىرگەن زالالدى انىقتاۋعا شىنشىلدىقپەن قارايمىز. اقشاعا كەلەتىن بولساق، ونى ءبولىپ بەرمەيمىز، بىردەن تولەيمىز. ۇيلەرى تولىق بۇزىلعان تۇرعىندارعا تۇرعىن ءۇيدىڭ قۇنى وتەلەتىن بولادى، باعالاۋ  كوميسسيالىق تۇرعىدا بولادى،- دەدى قۇمار اقساقالوۆ.  

كوپتەگەن تۇرعىندار  جەرگىلىكتى اتقارۋشى ورگاندارعا، قۇتقارۋشىلار مەن پوليسيا قىزمەتكەرلەرىنە، تابيعي اپاتتى جەڭۋگە كومەك كورسەتكەندەردىڭ بارلىعىنا جانە ونىڭ زارداپتارىن  جويۋعا كومەكتەسىپ جاتقاندارعا العىستارىن ءبىلدىردى. 

رۋزايەۆكا اۋىلىنىڭ تۇرعىندارىن سۋ تاعى دا كەلەدى دەپ تىنىشسىزدانۋدىڭ قاجەتى جوق ەكەندىگىنە سەندىردى. ۇيلەرى ساۋ قالعاندار باسپانالارىنا ورالىپ،  مالدارى مەن مۇلىكتەرىن اكەلۋى قاجەت.

-  باعالاۋ وتكەننەن كەيىن ءبىز تاعى كەلەمىز. جينالىپ، اڭگىمەلەسەتىن بولامىز. شەشىلمەيتىن ماسەلە بولمايدى، باستىسى – ابىرجىماۋ، ۇرەيلەنبەۋ كەرەك. بارلىعى جاقسى بولادى، - دەدى قۇمار اقساقالوۆ.

ساپار سوڭىندا وبلىس اكىمى  بارلىق كوشەلەرمەن ءجۇرىپ، سۋ تاسقىنى سولتۇستىك قازاقستاندىقتارعا قانداي قاسىرەت اكەلگەندىگىن بايقادى.