پرەزيدەنتتىڭ سۋ تاسقىنىنان زارداپ شەككەن ايماقتارعا ەل بولىپ كومەكتەسۋگە شاقىرعان ۇندەۋىنە ەلدىڭ ءار تۇكپىرىنەن قولداۋ كورسەتىلۋدە، دەپ حابارلايدى قامشى اا.
قازاقستان رەسپۋبليكاسى پارلامەنتى سەناتىنىڭ دەپۋتاتتارى سۋ تاسقىنىنان زارداپ شەككەندەرگە ءبىر كۇندىك ەڭبەكاقىسىن اۋداراتىنىن حابارلاعان ەدىك.
سەنات دەپۋتاتتارىنىڭ بۇل باستاماسىن ءماجىلىس دەپۋتاتتارى دا قولداپ، ءبىر كۇندىك ەڭبەكاقىلارىن سۋ تاسقىنىنان زارداپ شەككەن ايماقتارعا كومەك رەتىندە اۋدارۋعا شەشىم قابىلدادى.
ۇلتتىق وليمپيادا كوميتەتى دە وزدەرىنىڭ ءبىر كۇندىك ەڭبەكاقىلارىن اقمولا وبلىسىندا سۋ تاسقانىنان زارداپ شەككەندەرگە كومەك رەتىندە اۋداردى. ولاردىڭ بۇل باستاماسىن قۇرامىنا بىرنەشە سپورت فەدەراسيالارى كىرەتىن سپورتتىق جەكپە-جەك كونفەدەراسياسى دا قولداپ وتىر.
سونىمەن قاتار، «استانا وپەرا» قىزمەتكەرلەرى دە وزدەرىنىڭ ءبىر كۇندىك جالاقىلارىن قاراعاندى وبلىسىندا سۋ تاسقىنىنان زارداپ شەككەندەرگە كومەك رەتىندە اۋدارماقشى. بۇل تۋرالى تەاتر باسپا ءسوز قىزمەتى حابارلادى.
حابارلامادا: « تەاتر اكتەرلەرى استانادا «جاس وتان» جاستار قاناتى قۇرعان سۋ تاسقىنىنان زارداپ شەككەندەرگە كومەك شتابىنا تاماق پەن كيىم اپارىپ بەردى»، - دەلىنگەن.
رەسپۋبليكالىق ادۆوكاتتار كوللەگياسى ءوز سايتتارىندا سۋ تاسقىنىنان زارداپ شەككەن ازاماتتارعا تەگىن كەڭەس بەرۋگە دايىن ەكەندىكتەرىن مالىمدەدى.
مالىمدەمەدە: «سۋ تاسقىنىنان زارداپ شەگۋشىلەرگە زاڭدىق كومەكتە قاجەت»، - دەلىنگەن. تەگىن كەڭەس بەرۋ كەزىندە تومەندەگى سۇراقتارعا جاۋاپ الۋعا بولادى.
- زارداپ شەكەندەرگە ءۇي-جايلارىنىڭ مەملەكەتتىك قوردان قايتارىلىپ بەرىلۋى؛
- قارجىلاي كومپەنساسيالاردىڭ تولىق وتەلۋى؛
- زارداپ شەككەن ازاماتتاردىڭ دەنساۋلىقتارىن وڭالدىرۋعا كومەك بەرىلۋى.
قازاقستاننىڭ ءبىرقاتار وبلىستارى دا گۋمانيتارلىق كومەك جىبەرۋدە. قوستاناي وبلىسى 23 ءساۋىر كۇنى 100 توننا گۋمانيتارلىق كومەك جىبەرۋگە دايىنداپ جاتىر. اتىراۋلىق بەلسەندىلەر 70 توننا گۋمانيلارلىق كومەكتى قاراعاندى وبلىسىنا جىبەردى. سونىمەن قاتار، ايماقتارعا استانا، الماتى، اقتاۋ قالالارىنان دا گۋمانيتارلىق كومەك كولىكتەرى جىبەرىلدى.
ەستەرىڭىزگە سالا كەتەيىك، ۇكىمەت زارداپ شەككەن ايماقتاردا قايتا قالپىنا كەلتىرۋ جۇمىستارىن جۇرگىزۋ ءۇشىن ەل بيۋدجەتىنەن 1 ملرد. تەڭگە بولىنەتىنىن حابارلاعان.
تاسقىننان زارداپ شەككەن اقتوبە، قوستاناي، سولتۇستىك قازاقستان وبلىستارىندا قايىرىمدىلىق قورلارى قۇرىلدى. ەرىكتىلەر كيىمدەر مەن ازىق-تۇلىك جيناۋعا كوشكەن.
سۋ تاسقىندارىنىڭ نەگىزگى سەبەبى ەلدى مەكەندەردىڭ اكىمدىكتەرىندە سۋ باسۋعا دايىندىق بويىنشا باسقارۋشى قۇجاتتاردىڭ، سۋ باسۋى مۇمكىن ايماقتان حالىقتى كوشىرۋ جوسپارىنىڭ، قۇلاقتاندىرۋ جۇيەسىنىڭ جوقتىعى نەمەسە ولاردىڭ جۇمىس ىستەمەۋىنىڭ، سونىمەن قاتار كوشىرۋگە ارنالعان ينجەنەرلىك تەحنيكا مەن اۆتوكولىكتەردىڭ احۋالى تومەندىگىن تاعى ءبىر مارتە دالەلدەدى.
بۇل جاعدايلاردىڭ بارلىعى گيدروتەحنيكالىق قۇرىلىستارداعى سۋ وتكىزۋ قابىلەتىنىڭ تومەندىگىن، ولاردىڭ قاردان تولىق تازالانباعاندىعىن، كۇزدەگى سۋ قويمالارىن قۇرعاتۋ شارالارىنىڭ دۇرىس جۇرگىزىلمەگەندىگىن تانىتتى.
ەل باسىنا تۇسكەن بۇل قيىندىقتان بىرلەسىپ شىعامىز. قايىرىمدى جانداردىڭ ىستەرىن قولداۋشىلار قاتارى كوبەيەدى دەگەن نيەتتەمىز.
