اقش-تىڭ ەكس-پرەزيدەنتى باراك وبامانىڭ قىزىن اڭدىپ جۇرگەن ەر ادام ۇستالعان. بۇل تۋرالى قامشى اا The New York Daily News-كە سىلتەمە جاساپ حابارلايدى.
وبامانىڭ قىزى ماليانى ۇزاق ۋاقىتتان بەرى اڭدىپ، ىزىنە تۇسكەن ەر ادام قىزدىڭ مازاسىن العان. ءساۋىردىڭ 10-كۇنى ەر ادام قىز ورنالاسقان عيمارات ىشىنە كىرىپ، وعان تۇرمىسقا شىعۋعا ۇسىنىس جاساپ ايقايلاعان. پوليسيا قىزەتكەرلەرى ونى ۇستاپ سىرتقا شىعارىپ جىبەرگەن. ەكى كۇن وتكەن سوڭ الگى ەر ادام قايتادان ماليانىڭ ىزىنە تۇسكەن.
قازىرگى ۋاقىتتا قۇپيا قىزمەت ورگاندارىمەن بۇل ەر ادامنىڭ وسىعان دەيىن بىرنەشە رەت اق ۇيگە كىرمەك بولعانى انىقتالعان. تەرگەۋ بارىسىندا ەر ادامنىڭ پسيحولوگيالىق اۋىتقۋلارى بار ەكەنى بولجالعان. ەندىگى ۋاقىتتا وسىنى انىقتاۋ ماقساتىندا دارىگەرلىك ساراپتاما جۇرگىزىلۋدە.
