ادامداردىڭ كوبى ولىمنەن قورقادى. يندونەزيانىڭ سۋلاۆەسي ارالىنىڭ تۇرعىندارى ءۇشىن قايتىس بولعاندار كۇندەلىكتى ءومىرىنىڭ ءبىر بولشەگى بولىپ قالا بەرەدى دەپ جازادى قامشى اا bbc.com-عا سىلتەمە جاساپ.

«اكەڭىز قالاي؟» دەپ سۇراپ جاتىر ءۇي يەسىنەن كەلگەن قوناق. ءبىر ساتتە بارلىعى ءۇيدىڭ بۇرىشىنا كوز تاستادى. وندا ءتۇرلى-تۇستى كەرۋەتتە قاريانىڭ مۇردەسى جاتىر.

«ءالى اۋىرىپ جاتىر» دەپ جاۋاپ قاتتى قىزى ماماك ليسا. ول ورنىنان تۇرىپ، قايتىس بولعان اكەسىنە «اكە، سىزگە قوناق كەلىپ تۇر» دەدى.

ودان كەيىن مەنى پاۋلو سيريندويمەن تانىسۋدى ۇسىندى. ونىڭ دەنەسى سۇر تۇسكە ەنگەن. قالعان دەنەسى بىرنەشە قابات كيىممەن جابىلعان.

«اتامىز نەلىكتەن ۇيىقتاي بەرەدى» دەپ سۇرادى نەمەرەلەرىنىڭ ءبىرى. «اتا، تۇر! ءجۇر وينايمىز» دەپ ايقايلادى ەكىنشىسى.

"تسسس... اتالارىڭدى مازالاۋدى قويىڭدار. ول ۇيىقتاپ جاتىر. ويتپەگەن جاعدايدا ول اشۋلانادى» دەدى ماماك ليسا.

بۇل ادام پاۋلو سيريندا. ول 12 جىل بۇرىن قايتىس بولعان. الايدا ونىڭ وتباسى وعان ءتىرى ادام سەكىلدى قارايدى. سەبەبى تورادجە ايماعىنداعى ءدىني سەنىم بويىنشا سۋلاۆەسي ارالى وسى دۇنيە مەن  قايتىس بولعاندار الەمىنىڭ تابالدىرىعى دەپ ەسەپتەلەدى.

ولگەن ادامنىڭ تۋىستارى قايتىس بولعان ادامنىڭ كيىمىن اۋىستىرىپ، اۋرۋ ادامعا قاراعانداي كۇتەدى.

بۇرىن ءمايىتتىڭ دەنەسىن ارنايى جاپىراقتار مەن شوپتەرمەن سۇرتكەن. ءقازىر فورمالين ينەكسياسىن ەگەدى.

ءمايىت جاتقان بولمەدەن حيميالىق زاتتاردىڭ ءيىسى مۇڭكىپ تۇرادى.

تورادجي حالقى قايتىس بولعان ادامنىڭ جەرلەۋ ءراسىمىن سالتاناتتى تۇردە وتكىزۋگە ماتەريالدىق جاعدايعا جەتكەنشە، قايتىس بولعان ادامدى ۇيدە ۇستايدى. ولار مۇنداي ءراسىمدى وتكىزۋ ءۇشىن كوپ جىلدار بويى اقشا جينايدى.

مەن دەنگەن ەسىمدى ازاماتتىڭ جەرلەۋ راسىمىنە قاتىستىم. ول ءبىر جىل بۇرىن قايتىس بولعان. ونىڭ جەرلەۋ ءراسىمى 4 كۇنگە سوزىلدى. ول ۋاقىتتا تۋىستارى 24 سيىر مەن جۇزدەگەن شوشقانى قۇرباندىققا شالدى. ونىڭ ەتىن قوناقتارعا تاراتتى. دەنگەننىڭ بالاسى جەرلەۋ راسىمىنە 50 مىڭ دوللار كەتكەنىن ايتادى.

ودان كەيىن قايتىس بولعان ادامنىڭ اعاشتان ءمۇسىنى جاسالادى. وعان كەيدە شاشىن دا پايدالانادى. ءمۇسىندى كيىندىرىپ، اشەكەي كيگىزىپ ءىلىپ قويادى. قايتىس بولعاندار باسقا الەمنەن ءبىزدى باقىلايدى دەپ سەنەدى. الايدا مۇنىمەن قايتىس بولعان ادام مەن ءتىرى ادام اراسىندا فيزيكالىق جانە مورالدىق بايلانىسى ۇزىلمەيدى.

ەندي تاندي لولو ەسىمدى پروفەسسور مۇنى ءتىرى ادامدار مەن قايتىس بولعانداردىڭ اراسىندا الەۋمەتتىك قارىم-قاتىناس دەپ اتايتىنىن ايتتى.

زيراتتى اشتى. اۋادا مۋسكۋس پەن ءفورماليننىڭ ءيىسى تارالىپ كەتتى. اجەيدىڭ اق شاشى ارتقا قاراي تارالعان. ونىڭ بەت-الپەتى ولگەن ادامعا ەمەس، مۇسىنگە ۇقسايدى.

ماريامەن بارلىعى كورىسىپ، ەستەلىككە فوتوعا تۇسكەننەن كەيىن ونى اق ماتاعا ورادى دا اۋىلدى ارالاتتى. الايدا قازىرگى كەزدە اۋىلدى ارالاتۋ ءادىسى قالىپ بارادى. سەبەبى كوبى ءقازىر الۋك تودولو ءدىنىن ۇستانبايتىن بولعان.

بۇل ماتەريال ءبي-بي-سيدىڭ «ادام ومىرىندەگى وقيعالار» (Life stories)  جەلىسىنەن ءۇزىندى.