الماتىدا 20 ءساۋىر كۇنى تاڭعى ساعات تورتتە ادامدى ءوز كولىگىنەن كۇشپەن ءتۇسىرىپ، ۇرلاپ اكەتكەن، دەپ حابارلايدى قامشى اقپاراتتىق اگەنتتىگى.

الاتاۋ اۋدانىندا 1987 جىلعى كاسىپكەر الييەۆ ءساميردى ۇرلاپ اكەتكەن. تۋىستارىنىڭ ايتۋىنشا ول جۇمىستان Mercedes-Benz G-كلاستى كولىگىمەن قايتىپ كەلە جاتقان. كۋاگەردىڭ سوزدەرىنە سۇيەنسەك،  قىزىل Subaru Outback پەن اق ءتۇستى ۆاز 2114 كولىكتەرى Mercedes كولىگىنىڭ كەس-كەستەپ، ءساميردى كۇشپەن كولىگىنەن ءتۇسىرىپ اكەتكەن.

جوعالعان جىگىتتىڭ اعاسى: «ول جولدا اكەمە حابارلاسىپ، قاقپانى اشسىن دەپ ايتقان. ءبىراق ۇيگە جەتپەگەن. اكەم ۋايىمداعان سوڭ، كافەگە حابارلاسىپ، كولىك جۇرگىزۋشىسىنىڭ ءنومىرىن الىپ، سوعان حابارلاسىپ، جاعدايدى بىلگەن»، - دەيدى Zakon.kz اگەنتتىگىنە بەرگەن سۇحباتىندا.

سامير الييەۆتىڭ تۋىستارى حالىققا وسى جاعداي تۋرالى كورگەن، بىلگەندەرى بولسا، حابارلاۋىن وتىنۋدە.

الماتى قالاسىنىڭ ءىىد بۇل جاعداي تۋرالى مالىمدەمە جاسادى. «بۇگىن الاتاۋ اۋدانىندا ازامات سامير الييەۆتىڭ جوعالۋى فاكتىسى بويىنشا ءىس قوزعالدى. ىزدەستىرۋ جۇمىستارى باستالدى».