ءپاريجدىڭ ەليسەي الاڭىنداعى بۋلۆاردا شابۋىل بولىپ، سالدارىنان ءبىر پوليسەي قازا تاۋىپ، ەكەۋى جارالانعان.

فرانسيا بيلىگى پاريجدە بولعان اتىس بويىنشا جاعدايدى انىقتاپ جاتىر، دەپ حابارلايدى تاسس.

جەرگىلىكتى باق-تىڭ حابارلاۋىنشا، فرانسيانىڭ پرەمەر-مينيسترى بەرنار كازنيەۆ ءپاريجدىڭ ورتالىعىنداعى ەليسەي الاڭىندا پوليسيا قىزمەتكەرىنىڭ ولتىرىلۋىنە بايلانىستى رەسپۋبليكا پرەزيدەنتى فرانسۋا وللانمەن كەڭەسۋ ءۇشىن جەدەل تۇردە ەليسەي سارايىنا كەلدى.

فرانسيا استاناسىنىڭ ورتالىعىندا بولعان وقيعا جەرگىلىكتى ۋاقىت بويىنشا ساعات 21-00-دە باستالعان. بەلگىسىز بىرەۋلەرمەن بولعان اتىس بارىسىندا ءبىر پوليسيا قىزمەتكەرى مەرت بولعان، تاعى ەكەۋى جاراقات الدى، ولاردىڭ ءبىرىنىڭ جاعداي ءقازىر وتە مۇشكىل. قولدا بار مالىمەتتەرگە قاراعاندا، وق اتقان ادام وقيعا ورنىندا ولتىرىلگەن، الايدا پوليسيا قىزمەتكەرلەرى ونىڭ سىبايلاسى بولۋى مۇمكىندىگىن دە جوققا شىعارماي وتىر. ول وقيعا بولعان جەردەگى كولىك تۇراقتارىنىڭ بىرىندە بوي تاسالاپ ءجۇرۋى مۇمكىن.

ەليسەي الاڭى - رەسپۋبليكا پرەزيدەنتىنىڭ جۇمىس رەزيدەنسياسى - ەليسەي سارايىنا جاقىن ماڭدا، قالانىڭ باتىس بولىگىندە ورنالاسقان، ءپاريجدىڭ ءىرى داڭعىلدارىنىڭ ءبىرى. قازىرگى تاڭدا اۆەنيۋ تولىعىمەن قورشاۋعا الىنعان. دۇكەندەر مەن مەيرامحانالاردىڭ بارلىعى جابىلدى. مەترو ستانسيالارى باقىلاۋعا الىندى.

بولعان وقيعانى ەسكەرگەن ق ر مادەنيەت جانە سپورت مينيسترلىگىنىڭ تۋريزم يندۋسترياسى كوميتەتى فرانسيانىڭ اتالمىش قالاسىندا جۇرگەن قازاقستاندىق تۋريستەردى قاۋىپسىزدىك شارالارىن ساقتاۋعا شاقىردى، دەپ حابارلايدى قازاقپارات.

«ق ر مادەنيمەت جانە سپورت مينيسترلىگى تۋريزم يندۋسترياسى كوميتەتى پاريجدەگى قازاقستاندىق تۋريستەرگە وقيعا بولعان ورىننان، سونداي-اق ادام كوپ شوعىرلاناتىن جەرلەردەن الىس جۇرۋگە، پوليسەيلەردىڭ نۇسقاۋلىقتارىن ورىنداۋعا كەڭەس بەرەدى. فرانسياعا ساپارلار ۇيىمداستىراتىن تۋروپەراتورلارعا بولۋى مۇمكىن قاۋىپتەر مەن قاۋىپسىزدىك تالاپتارى تۋرالى كليەنتتەردى الدىن الا ەسكەرتۋ ۇسىنىلادى»، - دەلىنگەن تاراتىلعان حابارلامادا.