قازاقستاننىڭ ۇلتتىق قاۋىپسىزدىك كوميتەتى ىشكى ىستەر ورگاندارىمەن بىرگە ارنايى وپەراسيا جۇرگىزىپ، اقتوبە جانە وڭتۇستىك قازاقستان وبلىستارىندا تەرروريزمدى ناسيحاتتاعان جانە ءدىني ارازدىق تۋعىزعان دەگەن كۇدىكپەن 11 ادامدى ۇستادى. بۇل تۋرالى كوميتەتتىڭ سايتىندا حابارلاندى دەپ جازادى قامشى اقپاراتتىق اگەنتتىگى.
"2017 جىلعى 20 ساۋىردە ۇلتتىق قاۋىپسىزدىك كوميتەتى وڭتۇستىك قازاقستان جانە اقتوبە وبلىستارىندا ىشكى ىستەر ورگاندارىن تارتا وتىرىپ ارنايى وپەراسيالار جۇرگىزدى.
قازاقستاندا تىيىم سالىنعان «دايش» حالىقارالىق تەرروريستىك ۇيىمىن قولداۋعا شاقىرعانى جانە ولارعا قاتىستى ماتەريالداردى تاراتقانى ءۇشىن 4 راديكالدى توپتىڭ ىس-ارەكەتى بەيتاراپتاندىرىلدى.
تەررورريزمدى ناسيحاتتاۋ جانە ءدىني الاۋىزدىق تۋدىرۋ فاكتىسى بويىنشا سوتقا دەيىنگى تەرگەۋ امالدارى شەڭبەرىندە 11 ادام ۇستالدى.
ولاردىڭ تۇرعىلىقتى جەرلەرى بويىنشا ءتىنتۋ، كۋالاردان جاۋاپ الۋ جانە باسقا دا تەرگەۋ امالدارى جۇرگىزىلىپ جاتىر."، - دەلىنگەن ۇقك سايتىنداعى مالىمدەمەدە.
