«يسلام مەملەكەتى» ەكسترەميستىك توبى پاريج ورتالىعىنداعى ەليسەي الاڭىندا بولعان اتىستا ءبىر پوليسەيدى ءولتىرىپ، ەكى ادامدى جارالاعان لاڭكەس «ءوز جاۋىنگەرلەرىنىڭ» ءبىرى ەكەنىن مالىمدەدى، دەپ جازادى قامشى اقپاراتتىق اگەنتتىگى.

Bbc.com جاڭالىقتار قىزمەتىنىڭ مالىمەتىنشە، پاريج پروكۋرورى فرانسۋا مولەن شابۋىل جاساۋشىنىڭ تۇلعاسى انىقتالعانىن، ءبىراق ونىڭ سىبايلاستارىنىڭ بار-جوعى بەلگىلى بولمايىنشا، ەسىمى جاريالانبايتىنىن ايتتى. ونىڭ پاريج شىعىسىنداعى ۇيىندە ءتىنتۋ جۇمىستارى ءجۇرىپ جاتىر.

«يسلام مەملەكەتى» ەكسترەميستىك توبىنىڭ اتىنان جاريالانعان مالىمدەمەدە ەليسەي الاڭىنداعى قارۋلى شابۋىلدى بەلگيالىق ءابۋ يۋسەفتىڭ جاساعانى ايتىلعان.

 فرانسيالىق BFMTV تەلەارناسىنىڭ حابارلاۋىنشا، شابۋىل جاساعان ەر ادام - 39 جاستاعى فرانسيا ازاماتى. ول فرانسۋزدىق ارنايى قىزمەتتەرگە جاقسى تانىس جانە ول پوليسەيلەردى ولتىرگىسى كەلەتىن پيعىلى تۋرالى Telegram مەسسەندجەرىندە تالقىلاپ كەلگەن.

فرانسييا پرەزيدەنتى فرانسۋا وللاند ەليسەي الاڭىنداعى شابۋىلدى تەرراكت دەپ اتادى.