اسقار باتالوۆ ق ر مادەنيەت جانە سپورت ءمينيسترىنىڭ ورىنباسارى بولىپ تاعايىندالدى، دەپ حابارلايدى قامشى اقپاراتتىق اگەنتتىگى.

ۆەدومستۆونىڭ باسپا ءسوز قىزمەتىنەن ءمالىم ەتكەندەي، ا.باتالوۆ تۋريزم ماسەلەلەرىنە جاۋاپ بەرەتىن بولادى. 

اسقار بولات ۇلى باتالوۆ 1964 جىلى 19 تامىزدا الماتى قالاسىندا دۇنيەگە كەلگەن. الماتى ساۋلەت-قۇرىلىس ينستيتۋتىن، ماسكەۋ مەنەدجمەنت اكادەمياسىن ءتامامداعان.

1994-1997 جىلدارى - «رايىمبەك» فيرماسىنىڭ ۆيسە-پرەزيدەنتى.

1997-1998 جىلدارى - قازاقستان رەسپۋبليكاسى ينۆەستيسيا جونىندەگى مەملەكەتتىك كوميتەتىنىڭ باس مەنەدجەرى.

1998-2005 جىلدارى - «قازينۆەست» قازاقستاندىق ينۆەستيسياعا جاردەمدەسۋ ورتالىعى» رەسپۋبليكالىق مەملەكەتتىك كاسىپورنىنىڭ ديرەكتورى، «قازينۆەست» جابىق اكسيونەرلىك قوعامىنىڭ پرەزيدەنتى.

2005 جىلى ق ر يندۋستريا جانە ساۋدا ۆيسە-مينيسترى بولىپ تاعايىندالدى.

2007 جىلدان - ق ر ەنەرگەتيكا جانە مينەرالدىق رەسۋرستار مينيسترلىگىنىڭ جاۋاپتى حاتشىسى.

2009 جىلدان باستاپ - جەكە بيزنەستە. سونداي-اق ەۋرازيا ەكونوميكالىق كوميسسياسىنىڭ كولىك جانە ينفراقۇرىلىم دەپارتامەنتىنىڭ ديرەكتورى قىزمەتىن اتقاردى.