استانا قالاسىنىڭ كەسكىن-كەلبەتىنە كوڭىلى تولماعان ەلباسىمىز قالا اكىمى يسەكەشوۆتى سىننىڭ استىنا الىپ، ءبىر ۇرسىپ الدى دەپ حابارلايدى قامشى اقپاراتتىق اگەنتتىگى informburo.kz-كە سىلتەمە جاساپ.
ەلباسىمىز استانا قالاسىنىڭ ەكسپو كورمەسىنە دايىندىعىنا كوڭىلى تولمايدى ەكەن. اتاپ ايتار بولساق، ەسكى ۇيلەردى بۇزىپ، ورنىنا جاڭا نىساندار سالۋ قاجەتتىگىن جەتكىزدى. ەلباسىنىڭ ايتۋىنشا، تۋريستەر ورتالىقتان ون قادام اتتاسا، سۇمدىق جايتتاردىڭ كۋاگەرلەرى اتانۋى مۇمكىن. ورتالىعىمىز كەرەمەت، ال شەت جاق بىلىعىپ جاتىر. شەتەلدەن اسىعا كۇتكەن قوناقتارىمىز مۇنىڭ بارلىعىن فوتوعا ءتۇسىرىپ، الەم الدىندا ماسقارالاسا نە ىستەيمىز دەيدى مەملەكەت باسشىسى.
يسەكەشيەۆتى استانانىڭ اكىمى ەتىپ تاعايىنداعاندا وعان كوپ ءۇمىت ارتقانىن دا ەلباسى جاسىرمادى. الايدا پرەزيدەنتتىڭ ايتۋىنشا، مۇنداي سوراقىلىق جاقسىبەكوۆتىڭ تۇسىندا دا ورىن الماپتى. ءسوز سوڭىندا اسەت يسەكەشيەۆكە جۇمىستى جەدەلدەتىپ قولعا الۋدى مىندەتتەدى.
