وسىدان بىرنەشە ۋاقىت بۇرىن الەگو مەنچاكا باستاعان ۋرۋگۆايداعى جانۋارلار ءوندىرىسى ينستيتۋتىنىڭ ءبىر توپ عالىمدارى ءجۇندى كۇيىس قايىراتىن جانۋارلاردى گەنەتيكالىق موديفيكاسيالادى دەپ حابارلايدى قامشى اقپاراتتىق اگەنتتىگى. ولاردىڭ دەنەسىندەگى ۇلپالارعا ەنگىزىلگەن بەلوك ۋلتراكۇلگىن ساۋلەلەرىنىڭ اسەرىنەن جانادى. ياعني، بەلگىلى جاسىل فلۋورەسەنتتى بەلوك نەمەسە GFP ۋلتراكۇلگىن ساۋلەنىڭ اسەرىنەن جارىق بەرەدى.

بۇل بەلوكتى عالىمدار العاش رەت تەڭىز مەدۋزاسىنان العان. سوڭعى جيىرما جىلدا GFP جانە ونىڭ ءوندىرىسى جىلجىمالى باعا جەتپەس زەرتتەۋ قۇرالىنا اينالدى.  ال ونى العاش رەت اشقان عالىمدار 2008 جىلى نوبەل سىيلىعىن الدى.

قازان ايىندا تۋىلعان قويلار  باسقا قويلاردىڭ اراسىندا جانىپ جۇرگەنىن عالىمدار، ولاردىڭ دەنەسىندەگى ۇلپالارعا ەنگىزىلگەن بەلوك ۋلتراكۇلگىن ساۋلەلەرىنىڭ اسەرىنەن جاناتىنىمەن ءتۇسىندىردى. مەنچاكانىڭ ايتۋى بويىنشا، بۇل تاجىريبەنى تەك تۇجىرىمدامانىڭ دالەلى رەتىندە عانا جاساعان.

«ءبىز دەنى ساۋ، جارىق بولە الاتىن قويلاردى جاسايمىز. بۇل سىرت كوزگە وتە قورقىنىشتى بولىپ كورىنەدى. سەنبەسەڭىزدەر GFP قويلارىنىڭ كوزىنە قاراڭىزدار. بۇل كەرەمەت!»، -دەدى مەنچاكا

GFP قويلارىنىڭ اعزاسى ادام  گورموندارىمەن بايىتىلعان. سونىمەن قاتار،  ءسۇتى ەندوكريندىك جۇيە  اۋرۋلارىن ەمدەيتىن قاسيەتكە يە. ەڭ قىزىعى، جاناتىن قويعا قاسقىر جولامايدى. سەبەبى قاسقىر جانە باسقادا اڭداردىڭ جارىقتان قورقاتىنى انىق.