27 ءساۋىر ساع. 19:00-دە الماتى قالاسى مادەنيەت جانە ارحيۆتەر باسقارماسىنىڭ قولداۋىمەن «الاتاۋ» ءداستۇرلى ونەر تەاترىندا اقىن، ق ر مادەنيەت قايراتكەرى  سەرىك قالييەۆتىڭ «جاسىننىڭ وتى جانىمدا» اتتى شىعارماشىلىق كەشى وتەدى دەپ حابارلايدى قامشى اقپاراتتىق اگەنتتىگى. 

قالييەۆ سەرىك اكرام ۇلى 1972 جىلى  شىعىس قازاقستان وبلىسى، تارباعاتاي اۋدانىندا دۇنيەگە كەلگەن. ءال-فارابي  اتىنداعى  قازاق ۇلتتىق  ۋنيۆەرسيتەتىنىڭ  فيلولوگيا  فاكۋلتەتىن، ماگيستراتۋراسىن  ءتامامداعان. قازاقستان جازۋشىلار وداعىنىڭ، ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ مۇشەسى. رەسپۋبليكالىق اقىندار ايتىسىنىڭ جۇلدەگەرى. «تولقىننان تولقىن تۋادى»، «جاس اقىندار  انتولوگياسى» جىر جيناقتارى  مەن «جىر مارجان» اتتى 10 تومدىق پوزيا انتولوگياسىنا توپتاما  ولەڭدەرى ەنگەن.  «كوزايىم» (2007)، «ۋاقىت كەرۋەنى» (اتامۇرا ،2012)  ولەڭ كىتاپتارىنىڭ  اۆتورى.  ەلۋگە تارتا  تانىمال  اندەردىڭ  ولەڭدەرىن  جازعان. 

ءال-فارابي اتىنداعى قازاق ۇلتتىق  ۋنيۆەرسيتەتىنىڭ  ستۋدەنتتەر  كلۋبىنىڭ  ديرەكتورى، قازاق راديوسىندا ءبولىم باستىعى، «اتامۇرا» كورپوراسياسىندا اعا رەداكتور، قازاق مەملەكەتتىك قىزدار پەداگوگيكالىق ۋنيۆەرسيتەتى «قىزدار ۋنيۆەرسيتەتى»  باسپاسىنىڭ  ديرەكتورى قىزمەتتەرىن اتقارعان. 2010 جىلى ق ر  مادەنيەت  قايراتكەرى  توسبەلگىسىمەن ماراپاتتالعان.  

كەش قوناقتارى: توقتار مەن بەيبىت، مەيرامبەك بەسبايەۆ، ەركىن شۇكىمانوۆ، رينات زايتوۆ، التىناي جورابايەۆا، گۇلبارشىن تەرگەۋبەكوۆا، عاني ماتەبايەۆ، مۇراتبەك سارباسوۆ، قانات ۇمبەتوۆ جانە حالىققا تانىمال ايتىس اقىندارى مەن ەسترادا جۇلدىزدارى.