كوميسسيانى جاقسىبەكوۆ باسقارعانى جاقسى بەلگى

    Nurgali Nurtay
    كوميسسيانى جاقسىبەكوۆ باسقارعانى جاقسى بەلگى

    19 ساۋىردە نۇرسۇلتان نازاربايەۆ پرەزيدەنت جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانى قۇرۋ تۋرالى جارلىققا قول قويدى. رۋحاني جاڭعىرتۋ بويىنشا باعدارلامانى ىسكە اسىرۋ جونىندەگى ۇلتتىق كوميسسيانى باسقارۋ ادىلبەك جاقسىبەكوۆكە تاپسىرىلدى. ادىلبەك رىسكەلدى ۇلى ءبىر اي بۇرىن كونستيتۋسيالىق رەفورمالار بويىنشا كوميسسيانى باسقارىپ، ناتيجەلى جۇمىس جۇرگىزگەن بولاتىن. جاقسىبەكوۆ باستاعان كوميسسيا كونستيتۋسيانىڭ 91-بابىنىڭ 2-تارماعىنىڭ رەداكسياسىنا مەملەكەتتىڭ تاۋەلسىزدىگىن، رەسپۋبليكانىڭ ءبىرتۇتاستىعى مەن اۋماقتىق تۇتاستىعىن وزگەرتۋگە تيىم سالاتىن تولىقتىرۋلاردى ەنگىزىپ، پارلامەنتتەن وتكىزىپ، ول رەداكسيانى پرەزيدەنت قولداپ، قولىن قويعان بولاتىن.

     ادىلبەك جاقسىبەكوۆ مەملەكەتشىل تۇلعا ەكەنىن پرەزيدەنت اپپاراتىنىڭ قىزمەتكەرلەرى، ءار جىلدارى ونىڭ قول استىندا قىزمەت ەتكەن ارىپتەستەرى ايتىپ جۇرەدى. جاقسىبەكوۆ مەملەكەتتىك ماڭىزدى ماسەلەلەر بويىنشا وتە ءپرينسيپشىل بولىپ كەلەتىنىنىڭ تاعى ءبىر مىنا فاكت كورسەتەدى. 2008  جىلدىڭ اياعىندا جاقسىبەكوۆ رەسەي فەدەراسياسىنا ەلشى بولىپ تاعايىندالعان كەزدە، كرەملمەن كەلىسسوز جۇرگىزۋ، رەسەي الدىندا ۇلتتىق مۇددەنى قورعاۋدىڭ ديپلوماتيالىق اۋىر جۇگىن ارقالاۋ ادىلبەك رىسكەلدى ۇلىنىڭ موينىنا ءتۇستى. دەگەنمەن، بۇل ديپلوماتيالىق جۇمىستى ابىرويمەن اتقارىپ جۇرگەن ونى، قورعانىس ءمينيسترى ەتىپ تاعايىندادى.

    جاقسىبەكوۆ قورعانىس مينيسترلىگىندە دە ۇلكەن جۇمىس اتقارىپ، قازاقستاننىڭ تاريحىندا تۇڭعىش جاۋىنگەرلىك پاراد ۇيىمداستىرىپ، قازاق قارۋلى كۇشتەرىنىڭ الەۋەتىن، دايىندىعىن پاش ەتتى. بۇل جاۋىنگەرلىك پارادتى جەرىمىزگە كوز الارتىپ وتىرعان كۇشتەرگە سەس كورسەتۋ ءۇشىن ۇيىمداستىرىلعانىنىڭ سول كەزدە ساراپشىلار ايتىپ، قوعام جاقسى قابىلداعانى بەلگىلى.

    جاقسىبەكوۆ جوعارعى دەڭگەيدەگى مىقتى ساياسي ۇيىمداستىرۋشى رەتىندە پرەزيدەنتتىڭ ءار تاپسىرماسىن مۇقيات ورىنداي بىلەتىن تۇلعا. رۋحاني جاڭعىرتۋ بويىنشا باعدارلامانى ىسكە اسىرۋ جونىندەگى ۇلتتىق كوميسسيانى جاقسىبەكوۆ باسقاراتىنى - بۇل باعدارلامانى ىسكە اسىرۋىن ناقتى تەتىكتەرى ىسكە قوسىلعانىڭ بىلدىرەدى. ادىلبەك جاقسىبەكوۆ قازاق قوعامى اراسىندا اسا قاتتى تانىلماسا دا، قازاق مەملەكەتىنىڭ ۇلتتىق مۇددەسىنە «ۇندەمەي ءجۇرىپ ءىس تىندىراتىن ىسكەرلىك قاسيەتى» ونى ساياسي وليمپ بيىگىندە ۇنەمى تانىمال ەتىپ ۇستايدى. پرەزيدەنتتىڭ دە جاقسىبەكوۆكە سەنىم ارتىپ وتىرعان سىرى وسىندا جاتىر.

    نۇرعالي نۇرتاي

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025