اپاتتان زارداپ شەككەندەردى كىمدەر قورقىتتى؟

    Nazerke Labihan
    اپاتتان زارداپ شەككەندەردى كىمدەر قورقىتتى؟

    زەلەنوۆكا مەكەنىنىڭ تۇرعىندارى اپات تۋرالى جاق اشپاۋعا ماجبۇرلەپ، قورقىتقاندىعىن ايتىپ بەردى دەپ حابارلايدى قامشى اقپاراتتىق اگەنتتىگى informburo.kz-كە سىلتەمە جاساي وتىرىپ. ءبىراق تۇرعىنداردىڭ جوعالتقاندارى كوپ بولعاندىقتان قورىقپايتىندىقتارىن جەتكىزدى.

    قاراسۋ اۋدانىنداعى زەلەنوۆكا مەكەنىن وسىعان دەيىن 2 رەت سۋ باسقان كورىنەدى. العاشقىسى 15-17 ءساۋىر ارالىعىندا، ەكىنشىسى 18-19 ءساۋىر ارالىعىندا ورىن العان ەكەن. تۇرعىنداردى  وسىعان دەيىن وسى ۇلكەن اۋماقتى قامتىعان اپات تۋرالى جاق اشپاۋعا ماجبۇرلەگەن، ءبىراق قاراپايىم حالىقتىڭ جوعالتقاندارى كوپ بولعاندىقتان بۇل تۋرالى ايتۋدى ءجون ساناعان.

    وسى اپاتتان كەيىن 43 ءۇي سۋ استىندا قالعان، 5 ءۇيدى قالپىنا كەلتىرۋ مۇمكىن ەمەس ەكەن.

    «سوڭىندا ءبىزدى كىنالى ەتىپ شىعاردى»،- دەيدى جەرگىلىكتى تۇرعىن اندرەي ماكسيموۆ. «15 –ءساۋىر كۇنى اپات بولۋعا 3 ساعات قالعان كەزدە اپاتتىڭ بولاتىنىن ايتىپ، ەسكەرتۋ جاساعان. ءبىراق بىزگە ءدال وسىنداي ۇلكەن اۋماقتى قامتيتىنىن ايتقان جوق. بۇرىن بۇنداي وقىس وقيعا بولعان ەمەس. مەنىڭ ءۇيىم تەرەزەسىنە دەيىن سۋ باستى. ۇلكەن شىعىنعا ۇشىرادىم»،- دەپ سۇحبات بەردى.

    انرەي ماكسيموۆتىڭ ءۇيىن قالپىنا كەلتىرۋ مۇمكىن ەمەس. ءۇي يەسى ءۇيدى بۇزىپ، پايداعا اساتىن قۇرىلىس ماتەريالدارىن عانا قولدانۋدى جوسپارلاپ وتىر.

    «مەن وسىنىڭ بارلىعىن ۆيدەوعا ءتۇسىرىپ، عالامتورعا جاريالادىم. ءبىراق ۆيدەونى جوق قىلىپ تاستاپتى. تۇرعىندار قورقادى. وسى جەردىڭ اكىمى كەلىپ ەشقايدا حابارلاماۋدى، جاريالاماۋدى بۇيىرىپ، قاداعالاپ وتىر. ال مەن ودان قورىقپايمىن، سەبەبى مەنىڭ جوعالتقانىم از ەمەس»،- دەپ اشىنا سۇحبات بەردى اندرەي ماكسيموۆ.

    18ء-ساۋىر كۇنى قوستاناي وبلىسىنىڭ اكىمشىلىگى اپاتتىڭ تۇرعىندار ايتقانداي ۇلكەن اۋماقتى قامتىماعاندىعىن ايتقان بولاتىن. وسى اپاتتان اكىمشىلىكتىڭ ساناعى بويىنشا 22 ءۇي زارداپ شەككەن.  ال قوستاناي وبلىسىنىڭ اكىمى ارحيمەد مۋحامبەتوۆ  شىعىننىڭ 200 ملن تەڭگەنى قۇرايتىندىعىن مالىمدەدى. زارداپ شەككەن تۇرعىندارعا بۇل قاراجات كەلەسى اپتادان باستاپ بەرىلەتىن بولادى. 

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025