الماتىدا كولىك بوگەلىسىنە سەبەپ بولعان مارافون ءوتتى

    Nurgali Nurtay
    الماتىدا كولىك بوگەلىسىنە سەبەپ بولعان مارافون ءوتتى

    بۇگىن الماتىدا قايىرىمدىلىق ماقساتتا «الماتى مارافونى» ءوتتى دەپ حابارلايدى قامشى اقپاراتتىق اگەنتتىگى.  مارافون پرەزيدەنت ساياباعىندا تۇسكى ساعات ەكىگە دەيىن جالعاسادى.

    التىنشى رەت وتكەن مارافونعا قاتىسۋعا الەمنىڭ 40 ەلىنەن 15 مىڭنان اسا ادام ءوتىنىش بىلدىرگەن. بۇل بىلتىرعى جىلمەن سالىستىرعاندا 20%-عا كوپ. ونىڭ مىڭعا جۋىعى بالا. مارافوننان تۇسكەن قارجى 6 ارناۋلى بالالار مەكەمەسىنە سپورتتىق بۇيىمدار ساتىپ الۋعا جۇمسالماق.

    العاشقى رەت 2012 جىلى وتكىزىلگەن الماتى مارافونى 42،195 شاقىرىمدى قۇرايدى. بۇل جولى دا مارافونعا ءبىرقاتار ونەر جۇلدىزدارى، سپورت شەبەرلەرى قاتىستى. مارافوننىڭ اشىلۋىندا الماتى قالاسىنىڭ اكىمى باۋىرجان بايبەك پەن ۆەلوسپورتتان وليمپيادا چەمپيونى الەكساندر ۆينوكۋروۆ قاتىناسىپ، بۇل مارافوننىڭ بۇقارالىق سپورتتى دامىتۋدا ماڭىزى زور ەكەنىن اتاپ ءوتتى.

    الماتىدا وتكەن مارافونعا اۋارايى دا قوڭىرسالقىن كۇيدە جاقسى اسەرىن تيگىزدى. الايدا، كولىك جۇرگىزۋشىلەرى رەنجۋلى. مارافونعا بايلانىستى ءبىرقاتار كوشە مەن داڭعىل باعىتتارى جابىلاتىنى ينتەرنەت بەتتەرىندە حابارلانعانىمەن، مەملەكەتتىك ارنالاردا، جەرگىلىكتى الماتى ارناسىندا حابارلانباعان. سوعان وراي اباي داڭعىلى مەن ساتبايەۆ كوشەسىندە جانە قيلىستارىندا ايتارلىقتاي كولىك بوگەلىسى ورىن الدى.

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025