13ء-شى ساۋىردە 62 جاستاعى ا. ەسىمدى زەينەتكەر گازدىڭ اقشاسىن تولەۋىن سۇراپ كەلگەن قىزمەتكەرلەردىڭ ءبىرىن اڭ اڭلاۋعا ارنالعان مىلتىقپەن اتىپ جىبەرگەن دەپ حابارلايدى قامشى اقپاراتتىق اگەنتتىگى centralasian.org-كە سىلتەمە جاساپ.
وقيعا سامارقاندتا بولعان. كۇدىكتىگە قاتىستى قىلمىستىق ءىس قوزعالدى. اتقان ادام سوت شەشىمى شىققانشا قاماۋدا بولادى.
سامارقاند وبلىستىق ءىىد وفيسەرىنىڭ ايتۋىنشا، قارۋ تىركەلمەگەن ەكەن.
ماحاللي بەلسەندىلەرى زەينەتكەر تاندىر ناندى پىسىرۋمەن اينالىسقانىن ايتادى.
«13ء-شى ساۋىردە ونىڭ ۇيىنە گاز كاسىپورنىنىڭ قىزمەتكەرى كەلىپ، قارتتىڭ ناۋبايحاناسى 15 ميلليون سۋم كولەمىندە قارىز ەكەنىن ايتادى. وتكەن ايدا ونىڭ گازىن ءوشىرىپ تاستاعان. سونىڭ سالدارىنان زەينەتكەر ءبىر ايدا شىعىنعا باتقان. ول 4،5 ميلليون سۋمدى تاۋىپ، قارىزدىڭ ءبىر بولىگىن جابادى. قالعان قارىزدى وتەۋ ءۇشىن ۋاقىت بەرۋدى سۇراعان. زەينەتكەر ونى بولشەكتەپ بەرمەكشى بولعان. الايدا گاز كاسىپورنىنىڭ قىزمەتكەرلەرى ونىڭ جەكە باسىنا تيەتىن سوزدەر ايتقان. وسىدان كەيىن اقساقال ۇيىنەن قارۋىن الىپ شىقتى. الايدا قىزمەتكەرلەر ءتىل تيگىزۋىن توقتاتپادى. ولار ونى قارۋدىڭ شۇرىپپەسىن باسۋعا ءماجبۇر ەتتى. قۇدايعا شۇكىر، ەشكىم زارداپ شەكپەدى» دەيدى ماحاللي بەلسەندىسى.