كەزەكشى توپ Audi كولىگىن الماتى-بىشكەك تاس جولىندا جۇرگىزۋشىنىڭ قۇجاتتارىن تەكسەرۋ ءۇشىن توقتاتقان. كولىكتە جۇرگىزۋشىدەن بولەك ەر ادام جانە ونىڭ 5ء-شى سىنىپتا وقيتىن قىزى بولعان دەپ حابارلايدى قامشى اقپاراتتىق اگەنتتىگى patrul.kz-كە سىلتەمە جاساپ.
قۇجات تەكسەرۋ بارىسىندا كۇدىكتەنەتىندەي ەشتەڭە بولماعان. الايدا قىزمەتتىك يت ەسىرتكىنىڭ ءيىسىن سەزگەنىن ءبىلدىردى. كەزەكشى توپ كولىكتىڭ جۇك سالعىشىنان سومكەنى كورەدى. وندا جاسىل ءتۇستى وسىمدىكتى تاپقان. وسىمدىك ساراپتاماعا جىبەرىلىپ، ەسىرتكى ەكەنى انىقتالعان.
تەكسەرۋ جۇمىستارى جۇرگىزىلىپ جاتقاندا كۇدىكتىنىڭ قىزى شوشىنىپ قالعان. ءتارتىپ ساقشىلارى ونى اناسى كەلگەنشە ءوز پاتروناتتارىنا ورنالاستىردى. قىزدىڭ اناسىنا بولعان جاعداي تۋرالى تەلەفون ارقىلى ەسكەرتىلگەن.
بارلىق ءىس جامبىلدىڭ ءىىد جىبەرىلدى. ۇستالعان ەر ادامنىڭ كىناسى دالەلدەنسە 15 جىلعا باس بوستاندىعىنان ايىرىلۋى مۇمكىن.
الماتى-بىشكەك تاس جولىندا ەسىرتكىنى تاركىلەۋ بويىنشا 9 ءىس تىركەلگەن. وسى ۋاقىتقا دەيىن 41 كەلى ماريحۋانا مەن 992 گرامم گەروين تاركىلەنگەن.