ۋكراينا پرەزيدەنتى پەتر پوروشەنكو قازاقستاندى ەلىنىڭ قاۋىپسىزدىگىن نىعايتۋعا شاقىردى. بۇل تۋرالى ول كييەۆتەگى باسپا ءسوز ءماسليحاتىندا Tengrinews.kz ءتىلشىسى قويعان ساۋالعا بەرگەن جاۋابىندا مالىمدەگەن.

Tengrinews.kz  ۋكراينا پرەزيدەنتىنە: "ءسىز 23 جىل بويعى تاۋەلسىزدىكتەن سوڭ بيىل تەرريتورياسىنىڭ ءبىر بولىگىن "جوعالتقان" مەملەكەتتىڭ پرەزيدەنتىسىز. سوندىقتان، باسقا مەملەكەتتەرگە، سونىڭ ىشىندە قازاقستانعا دا وسىعان ۇقساس جاعداي قايتالانباس ءۇشىن قانداي كەڭەس بەرەسىز" - دەپ سۇراق قويعان. ءتىلشى سۇراعىنا جاۋاپ بەرگەن پوروشەنكو قازاقستان مەن بەلارۋستىڭ قاۋىپسىزدىگىنە ءقاۋىپ ءتونىپ تۇرعانىن ايتا كەلىپ:  "مەن سوڭعى كەزدەرى قىلاڭ بەرگەن بارلىق قاۋىپ-قاتەرگە دۇرىس جاۋاپ قاتۋ ءۇشىن سەنىمدى، بەرىك قاۋىپسىزدىك تەتىكتەرىن قۇرۋ بۇگىن بارلىعىمىزدىڭ، سونىمەن قاتار قازاقستان جانە بەلارۋس حالقىنىڭ الدىندا تۇرعان مىندەت دەپ سانايمىن. مەن ۇقشۇ (ودكب) تەتىكتەرى بۇل تاۋەكەلدەر مەن قاتەرگە جاقسىلاپ تويتارىس بەرە المايتىندىعىنا اسا سەنىمدىمىن"، - دەپ جاۋاپ بەرگەن.

قامشى-اقپارات