تاجىكستاننىڭ بۇقارالىق اقپارات قۇرالى ەندى تاجىكستان پرەزيدەنتى ەمومالي راحمون تۋرالى جازعاندا ونىڭ بارلىق لاۋازىمىن قوسا اتاۋى قاجەت. ياعني الەمنىڭ جانە ۇلتتىق بىرلىكتىڭ نەگىزىن قالاۋشى - ۇلت كوشباسشىسى لاۋازىمى مىندەتتى تۇردە پرەزيدەنتتىڭ ەسىمىمەن قاتار ايتىلۋى كەرەك دەپ جازادى قامشى اقپاراتتىق اگەنتتىگى centralasian.org-قا سىلتەمە جاساپ.
مەملەكەتتىك باسىلىمنىڭ بىرىندە جۇمىس ىستەيتىن جۋرناليست پرەزيدەنت تۋرالى جازعاندا «دجانوبي ولي» جانە «ۇلت كوشباسشىسى» دەپ قوساتىنىن حابارلاعان. جاڭا زاڭ قابىلدانىپ، وعان سايكەس پرەزيدەنت لاۋازىمىن تولىق جازۋ مىندەتتەلدى. ياعني، پرەزيدەنت تۋرالى ايتقاندا نەمەسە جازعاندا مىندەتتى تۇردە «الەمنىڭ جانە ۇلتتىق بىرلىكتىڭ نەگىزىن قالاۋشى - ۇلت كوشباسشىسى» دەپ قوسۋ قاجەت.
تاجىكستاننىڭ مەملەكەتتىك راديو ديرەكتورى فاررۋح زيويەۆ، ەمومالي راحمون ەسىمى رەسمي قۇجاتتا اتالعاندا «الەمنىڭ جانە ۇلتتىق بىرلىكتىڭ نەگىزىن قالاۋشى - ۇلت كوشباسشىسى» دەپ ايتۋ زاڭمەن بەكىتىلگەن جانە جۋرناليستەر زاڭعا مويىنسىنۋ كەرەكتىگىن ايتادى.
تاجىكستاننىڭ قىلمىستىق كودەكسىندە پرەزيدەنتتىڭ لاۋازىمىنا ءتىل تيگىزگەندەرگە قاتىستى جازا قاراستىرىلعان.