قىتايدىڭ شىڭجاڭ ۇيعىر اۆتونومدىق ولكەسىندە بىرنەشە ەلدى مەكەندە ورىن العان جارىلىس تۋرالى حابارلاعان ەدىك.  Bnews.kzء-تىڭ جازۋىنشا جارىلىس سالدارىنان كەم دەگەندە 50 ادام كوز جۇمىپ، 54 ادام جاراقات العان.  جارىلىس جەكسەنبى كۇنى بولعان، سالدارى تەك بۇگىن عانا حابارلانىپ وتىر. قازا بولعانداردىڭ اراسىندا 4 پوليسەي، 6 جازىقسىز ادام مەن 40 جانكەشتى بار. لاڭكەستەر جارىلعىش زاتتى ازىق-تۇلىك بازارىندا، ەكى پوليسيا ۋچاسكەسىندە جانە دۇكەندە ىسكە قوسقان. 

شابۋىل جاساعانداردىڭ جارتىسى جارىلىس كەزىندە كوز جۇمسا، قالعاندارىن پوليسيا قىرىپ سالعان.  شىڭجاڭ ۇيعىر اۆتونومدىق ولكەسىندە تۇراقسىز جاعداي بىرنەشە جىلداردان بەرى جالعاسىپ كەلەدى: ۇيعىرلار جەرگىلىكتى بيلىكتىڭ باسقارۋ جۇيەسىنە كوڭىلى تولماي، بەيجىڭنەن ەركىندىك اياسىن كەڭەيتۋدى تالاپ ەتۋدە. ال جۇڭگو بيلىگى بولسا، شىڭجاڭدى دامىتۋ ءۇشىن بارلىق جاعدايدى جاساپ جاتقاندارىن العا تارتۋدا.

قامشى-اقپارات