رەسەيدىڭ ەلدىڭ شەكاراسىن بەلگىلەۋ جونىندەگى وكىلى ماسكەۋدىڭ كاسپيي تەڭىزىن تەڭىز جاعالاۋىنداعى ەلدەر اراسىندا بولۋگە قارسىلىق ءبىلدىردى. بۇل تۋرالى «يران قازاق راديوسى» سايتى جازدى. 

پرەزيدەنتىنىڭ كاسپيي تەڭىزى ماسەلەسى جونىندەگى ارنايى وكىلى ءارى وسى ەل سىرتقى ىستەر ءمينيسترىنىڭ ورىنباسارى يگور برادچيكوۆ دۇيسەنبى كۇنى: «رەسەي كاسپيي تەڭىزىنىڭ بولىنۋىنە قارسى، ءبىراق تەڭىز جاعالاۋىنداعى ەلدەر ءۇشىن 25 ميلدىك بەلدىكتەردى بەلگىلەۋدى قولدايدى. كاسپيي جاعالاۋى ەلدەرى ءۇشىن 25 ميلدىك بەلدىكتەردى بەلگىلەۋ  كەلىسىمىنە سايكەس تەڭىزدىڭ بارلىق اۋماعى قورعاۋدا بولادى»،- دەگەن. كاسپيي تەڭىزىنىڭ ۇزىندىعى 1200 كم، ەنى 220-550 كم، جاعالاۋىنىڭ ۇزىندىعى 6500 كم-دى قۇرايدى. ونىڭ 657 كم-ى يرانعا، 820 كم-ى ءازىربايجان رەسپۋبليكاسىنا، 1476 كم-ى رەسەيگە، 1647 كم-ى تۇركىمەنستانعا، ال 1900 كم-ى قازاقستانعا تيەسىلى.

قامشى-اقپارات