ەكسپو-2017 اياسىندا اۋقىمدى مادەني-بۇقارالىق باعدارلاما دايىندالدى

    Assem Almuhanbet
    ەكسپو-2017 اياسىندا اۋقىمدى مادەني-بۇقارالىق باعدارلاما دايىندالدى
    ەلوردا اكىمدىگى ەكسپو-2017 حالىقارالىق مامانداندىرىلعان كورمەسىن وتكىزۋ اياسىندا اۋقىمدى مادەني-بۇقارالىق باعدارلاما دايىندادى دەپ حابارلايدى قامشى اقپاراتتىق اگەنتتىگى استانا قالاسىنىڭ اكىمدىگىنىڭ باسپا ءسوز قىزمەتىنە سىلتەمە جاساپ.
     
    اتاپ ايتقاندا، اۋقىمدى شارالار قاتارىندا حالىقارالىق فەستيۆالدەرمەن كورمەلەر، وتاندىق جانە الەمدىك ەسترادا جۇلدىزدارىنىڭ كونسەرتتەرى، كلاسسيكالىق جانە حالىق مۋزىكاسىنىڭ كونسەرتتەرى، پرەمەرالار، سيركتىك قويىلىمدار، «بايتەرەك» مونۋمەنتىنىڭ الدىنداعى الاڭداعى جانە قالالىق الاڭداعى، بارلىق ساياباقتارداعى حالىقتىق سەرۋەن فورماتىنداعى شارالار بار. جاز ايلارىندا ەلوردا تۇرعىندارى مەن قوناقتارى قىزىقتى مادەني باعدارلاما تاماشالايدى، ويتكەنى ۇستىمىزدەگى جىلى ەلوردا كۇنىن مەرەكەلەۋ «استانا ەكسپو-2017» حالىقارالىق كورمەسىن وتكىزۋمەن تۇسپا-تۇس كەلەدى، دەيدى مادەنيەت، مۇراعاتتار جانە قۇجاتتاما باسقارماسىنىڭ ماماندارى.
     
    الداعى ەكسپو كورمەسى ماڭىزدى وقيعا بولىپ تابىلادى، ونىڭ بارىسىندا حالىقارالىق قوعامداستىق وكىلدەرىنە ەلىمىزدىڭ باستى جەتىستىكتەرى مەن دامۋ پەرسپەكتيۆالارى كورسەتىلەدى. قازاق حالقىنىڭ باستى جەتىستىكتەرىنىڭ ءبىرى باي مادەني مۇرا، تاريح پەن ۇرپاقتان ۇرپاققا جالعاسىن تاۋىپ كەلە جاتقان سالت-داستۇرلەر بولىپ تابىلادى. دامىعان وركەنيەتتى قوعام جەرگىلىكتى مادەنيەتكە جانە قازاق فولكلورىنا اسقان قىزىعۋشىلىق تانىتۋدا، كورمە وتەتىن كەزەڭدە ەلوردا اۋماعىندا ۇيىمداستىرىلاتىن مادەني-بۇقارالىق شارالار باعدارلاماسىن جاساۋعا باستى نەگىز بولعان دا وسى.
     
    ءبىرىنشى كەزەكتە ۇيىمداستىرۋشىلار قازاق حالقىنىڭ جارقىن تۋريستىك كورىنىسىن جەتكىزەتىن شارالاردى ەسكەردى، ونىڭ ىشىندە «استاناعا تارتۋ» ءداستۇرلى قازاق مۋزىكاسىنىڭ كونسەرتى، «ءمۇشايرا» رەسپۋبليكالىق اقىندار كونكۋرسى، «شاشۋ» حالىق ءبيىنىڭ حالىقارالىق فەستيۆالى، «سەرپەر» حالىق اسپاپتارى وركەسترلەرىنىڭ فەستيۆالى جانە «استانا سامالى» ۇرمەلى اسپاپتار وركەسترى، قازاق حالقىنىڭ ءداستۇرلى سۋسىنى – قىمىزعا ارنالعان قىمىزمۇرىندىق مەرەكەسى، «استانا ارقاۋ» تۇركى مۋزىكا فەستيۆالى، بيىل ءازىربايجان مامبەتوۆكە ارنالعان V «ساحنادان سالەم» حالىقارالىق تەاتر فەستيۆالى، جانە ت.ب. بار.
     
    ايتا كەتەيىك، ويىن-ساۋىق شارالارىنىڭ باسىم بولگىنە استانالىق شىعارماشىلىق ۇجىمدار تارتىلعان. ەلوردالىق تەاترلاردىڭ، فيلارمونيانىڭ، سيرك پەن قالانىڭ باسقا دا مادەني مەكەمەلەرىنىڭ ارتيستەرىن بۇگىندە الەمدىك قوعام مويىنداعان، ولار جەتەكشى حالىقارالىق الاڭداردا ەلىمىزدىڭ ءيميدجىن كوتەرىپ، ەكسپو كورمەسى بارىسىندا ونەر كورسەتۋگە اديىن. مۇنىمەن قوسا، كونسەرتتەرگە ەتنومادەني بىرلەستىكتەردىڭ ۇجىمدارى مەن قازاقستاننىڭ ءتۇرلى وڭىرلەرىنەن شىعارماشىلىق انسامبلدەر قاتىسادى.
     
    جىل سايىن قالا تۇرعىندارى مەن قوناقتارىنىڭ دەمالىسىن جوسپارلاۋ كەزىندە قالا بيلىگى شارالاردىڭ قولجەتىمدىلىگىنە باسا نازار اۋدارادى. بۇل جولى مادەني-بۇقارالىق باعدارلامالاردىڭ باسىم بولىگى ەلوردا تۇرعىندارى مەن قوناقتارىنا ىڭعايلى بولۋى ءۇشىن اشىق الاڭداردا وتەدى.
     
    مىسالى، سۋلى-جاسىل جەلەكجولدا كرەاتيۆتى يدەيالاردىڭ زاماناۋي الاڭى Astana Art Fest فەستيۆالى وتەدى. قالالىق ساياباقتاردا دەمالىس سايىن وتباسىلىق دەمالىسقا ارنالعان Astana Park Land شاراسى وتكىزىلەدى، ەسىل وزەنىنىڭ جاعاسىندالازەرلىك شوۋ مەن سۋبۇرقاقتار شوۋىن، سونداي-اق، «ەسىل كەشتەرى» كونسەرتتەرىن تاماشالاۋعا بولادى.
     
    استانا قالاسىنىڭ ماڭىنداعى توعىز تۇرعىن الابى دا نازاردان تىس قالمايدى. بارلىق تۇرعىن الاپتارىندا تانىمال قازاقستاندىق ارتيستەردىڭ قاتىسۋىمەن «دۋماندى سارىارقا» باعدارلاماسى ۇيىمداستىرىلادى.
     
    سونىمەن قاتار، ەلوردادا بەلگىلى ەسترادالىق، ەلەكتروندى مۋزىكا، روك جانە دجاز كونسەرتتەرى، سونىمەن قاتار، International Street Dance Session كوشە ءبيى فەستيۆالى وتەدى. شارالاردىڭ بارلىعىنا كىرۋ - تەگىن.
     
    اكىمدىك كورەرمەندەر نازارىنا ەكسپو كورمەسى اياسىندا العاش رەت وتكىزىلەتىن ءبىرقاتار جاڭا جوبالاردى ۇسىنباق. اتاپ ايتقاندا،مۋزىكا ونەرىنە قوسقان ەلەۋلى ۇلەسى ءۇشىن ناگرادالار تابىستالاتىن «استانا داۋىسى» حالىقارالىق مۋزىكا فەستيۆالى، العاش رەت قىتايلىق كۋنگ-فۋ شوۋى وتەدى. بۇدان باسقا، كۆن ويىنىنىڭ تاريحىندا العاش رەت رەسەيلىك جۇرگىزۋشى الەكساندر ماسلياكوۆ قازاقستاننىڭ ەلورداسىندا جوعارى ليگانىڭ سوڭعى جىلدارداعى چەمپيوندارىنىڭ اراسىندا جازعى كۋبوكتى ساراپقا سالادى. ويىن استانادا 1 شىلدەدە وتەدى، چەمپيونات ءبىرىنشى ارنادان تىكەلەي ەفيردە كورسەتىلەدى. تۋعان جەرى – قازاقستاندا كوپشىلىككە تانىمال بولعان ارتيستەر دە نازاردان تىس قالمايدى، دەيدى ۇيىمداستىرۋشىلار.
     
    وقيعالار ءتىزىمىن وتاندىق ەسترادانىڭ ەڭبەك سىڭىرگەن قايراتكەرلەرىنىڭ كونسەرتتەرى قورىتىندىلايدى – الىبەك دىنىشيەۆ، سەكەن تۇرىسبەك، التىنبەك قورازبايەۆ، سونداي-اق، بيىل قۇرىلعانىنا 15 جىل بولاتىن «مۋزارت» ءانسامبلى، تۇرسىنبەك قاباتوۆتىڭ ءازىل-سىقاق كەشى وتەدى. 

    قاتىستى ماقالالار

    ءبارىمىز قازاقپىز عوي!

    ءبارىمىز قازاقپىز عوي!

    12:57، 06 ناۋرىز 2025