«كاسسيني» عارىش اپپاراتى ساتۋرن مەن ونىڭ ساقينالارىنىڭ جانىنان ءوتىپ بارادى. سوڭىندا كەمە عالامشارمەن سوقتىعىسىپ، ءوزىنىڭ 20 جىلدىق ساپارىن اياقتايدى، دەپ جازادى قامشى اقپاراتتىق اگەنتتىگى.
ساتۋرن ۇلكەن پلاندا
بۇگىن «كاسسيني» عارىش اپپاراتى ساتۋرن مەن ونىڭ ساقينالارىنىڭ اراسىنان وتەدى. بۇل قوزعالىس كاسسيني ساياحاتىنىڭ اياقتالۋى بولدى. ال جەردەگى ادامدار ساتۋرندى جاڭا تۇرعىدان كورە الادى.
كاسسيني عالىمدارعا ساتۋرن ساقينالارىنىڭ قوزعالىسى، سالماعى، سونداي-اق الىپ گاز جۇيەسىندەگى قۇپيالاردى انىقتاۋعا كومەكتەسەدى. سونىمەن قوسا، بىرنەشە ادامدى تاڭداي قاقتىراتىن كاسسينيدىڭ فوتوگالەرەياسى دا ورىن الماق. «كاسسيني» جاقىندا ساتۋرن ەنسەلاد مۇزدى سپۋتنيگىنىڭ قۇپياسىن اشىپ، ءومىر سۇرۋگە مۇمكىندىگىن انىقتادى.ال ميسسيانىڭ سوڭى ءتىپتى كەرەمەت اياقتالعان.

ەسكە سالا كەتەيىك، «كاسسيني» - ناسا-نىڭ كەزەكتى جوباسى. عارىش كەمەسى 20 جىل بۇرىن 2،2 ملرد-كەلىلىك ساپارىن باستاعان. ساتۋرن ماڭىنا 2004 جىلى بارعان. بۇل جىلى «كاسسيني» ساتۋرننىڭ ءبىر بولشەگىنە اينالۋى ءتيىس. زەرتتەۋشىلەر ءۇشىن بۇل ميسسيانىڭ اياقتالعانىن، سونداي-اق عارىش كەمەسىنىڭ جويىلعاندىعىنىڭ بەلىگىسى بولماق.
سونىمەن، بىرنەشە ساعات بۇرىن «كاسسيني» زەرتتەۋ اپپاراتى الىپ ساتۋرنعا جاقىندادى. سوڭعى مارتە سۋرەتكە ءتۇسىردى دە، زوند جىلدامدىعىن ارتتىرىپ، تراەكتورياسىن وزگەرتىپ، سوڭىندا ساتۋرنمەن سوقتىعىسۋى كەرەك.