قازاقستان پاۆيلونىنىڭ رەسمي وپەراتورى –« ۇلتتىق كينەماتوگرافيا ونەرى مەن عىلىمدارىنىڭ اكادەمياسى» قب 70ء-شى كانن حالىقارالىق كينوفەستيۆالىندە ەلىمىزدىڭ كينويندۋسترياسىن ۇسىنباق دەپ حابارلايدى قامشى اقپاراتتىق اگەنتتىگى.
ءبىرىنشى قازاقستاندىق پاۆيلون Le Village International كينونارىعى اۋماعىندا فەستيۆالدەر سارايىنىڭ قاسىندا بولادى.
قازاقستان ۇلتتىق پاۆيلونى –كانن كينونارىعىندا قازاقستاندىق كينەماتوگرافيستەردىڭ جۇمىس ىستەۋىنە ارنالعان الاڭشا. وپەراتور رەتىندەگى كينواكادەميانىڭ مىندەتى، ەلىمىزدىڭ كينويندۋسترياسىنىڭ قاتىسۋشىلارىنا، ونىڭ ىشىندە : كينووندىرۋشىلەرگە، پروكات جاساۋشىلارعا، رەنتال ستۋديالارعا، كينوجەلىلەرگە پاۆيلوندى پايدالانۋعا مۇمكىندىك تۋعىزۋ، دەدى كينواكادەميا پرەزيدەنتى راشيد نۇعمانوۆ.
ەڭ الدىمەن پاۆيلون اۋماعىندا كاسىبي كەزدەسۋلەر وتكىزۋگە، فيلمدەر مەن جوبالاردى ىلگەرلەتۋ مەن قىزمەتتەر جونىندە كەلىسسوزدەر جۇرگىزۋگە مۇمكىندىكتەر بەرىلمەك.
حالىقارالىق فەستيۆالدەرگە قاتىسۋ قازاقستاننىڭ كينو تۇسىرەتىن ەل رەتىندەگى ءيميدجىن كۇشەيتىپ، بىرلەسكەن جوبالارعا سەرىكتەس ىزدەۋگە كومەكتەسەدى، ەل ەكونوميكاسىنا اقشا كەلۋدى قامتاماسىز ەتۋ ءۇشىن رەسپۋبليكا اۋماعىندا شەتەلدىك جوبالاردى ىسكە اسىرۋدىڭ كەلەشەگىن قالىپتاستىرادى.
قازاقستاندىق كينويندۋستريا سالاسىندا ەڭبەك ەتىپ وتىرعاندار پاۆيلون كاتالوگىنا تەگىن اقپارات ورنالاستىرىپ، تاراتۋعا ارنالعان ماتەريالدى، ونىڭ ىشىندە ليفلەتتەر، بروشيۋرالار، فلايەرلەر، ءوز فيلمدەرى تۋرالى ترەيلەردى، جوبالاردىڭ تيزەرلەرى مەن كومپانيا تۋرالى بەينەروليكتەردى كورسەتە الادى. بەينە ماتەريالدار پاۆيلوننىڭ LED ەكرانى ارقىلى 2017 جىلدىڭ 17-28 مامىرى ارالىعىندا ۇزدىكسىز كورسەتىلمەك.
19 مامىر كۇنى فرانسيانىڭ ۇلتتىق كينەماتوگرافيا ورتالىعىنىڭ الاڭشاسىندا قازاقستان پاۆيلونىنىڭ اشىلۋىنا وراي رەسمي قابىلداۋ شاراسى وتپەك. باعدارلامادا كامەرالىق ىشەكتى ءانسامبلدىڭ سۇيەمەلدەۋىمەن ايمان مۇساحادجايەۆا مەن ديماش قۇدايبەرگەنوۆ ونەر كورسەتەدى. وعان كانن كينوفەستيۆالى مەن كينونارىعىنىڭ قوناقتارى مەن قىزمەتشىلەرى،فرانسياداعى ق ر ەلشىلىگىنىڭ وكىلدەرى، كوكشىل جاعالاۋداعى مۋنيسيپالدى بيلىكتەر مەن كينوكوميسسيالاردىڭ وكىلدەرى شاقىرىلعان.