قازاقستاننىڭ تانىمال فۋتبولشىسىنا جازا رەتىندە الماتى كوشەلەرىن تازالاۋ جۇكتەلدى

    Gulim Zhaqan
    قازاقستاننىڭ تانىمال فۋتبولشىسىنا جازا رەتىندە الماتى كوشەلەرىن تازالاۋ جۇكتەلدى

    فۋتبولدان قازاقستان چەمپيونى باۋىرجان جولشييەۆ قىلمىستىق جاۋاپكەرشىلىككە تارتىلدى، دەپ حابارلايدى قامشى اقپاراتتىق اگەنتتىگى prosports.kz باسىلىمىنا سىلتەمە جاساپ.

    «استانا» كلۋبىنىڭ بۇرىنعى ويىنشىسى 2016 جىلى كۇزدە «مەرسەدەس» اۆتوكولىگىن ماس كۇيىندە جۇرگىزىپ، ءۇش جىلعا كۋالىكتەن ايىرىلعان. الايدا، 2017 جىلى 3ء-شى ساۋىردە قايتادان كولىك تىزگىندەدى. بۇل جولى باۋىرجانعا قىلمىستىق كودەكستىڭ 346-شى بابىنا سايكەس ءىس قوزعالدى. تەرىس ارەكەتى ءۇشىن فۋتبولشىعا 500 ايلىق كورسەتكىشتىك ايىپپۇل سالىنۋى ءتيىس ەدى. ءبىراق، سۋديا ولجاس كۇرەنبەكوۆ قالتالى ازاماتقا مۇنداي قاراجات از دەپ ساناپ، جازانى 200 ساعاتتىق قوعامدىق جۇمىستارعا اۋىستىرعان. ەندى جولشييەۆ الماتى قالاسىنىڭ كوشەلەرىن تازالاماق.

    ءىىد-نىڭ باسپا ءسوز قىزمەتكەرى عالىمجان قاسەنوۆتىڭ ايتۋىنشا، فۋتبولشى جۇمىس ىستەۋدەن باس تارتقان جاعدايدا جازاسى اۋىرلايدى. قاراپايىم سوزبەن ايتقاندا فۋتبولشى باس بوستاندىعىنان ايىرىلۋى دا مۇمكىن.

    قاتىستى ماقالالار