ساۋد ارابياسىنا قاجىلىق عيباداتىن وتەۋ ءۇشىن الەمنىڭ تۇكپىر-تۇكپىرىنەن 900 000 مۇسىلمان اياق باستى. بۇل تۋرالى قازاقپارات «نۇر استانا» مەشىتىنە سىلتەمە جاساپ حابارلادى.

بيىل ساۋد كورولدىگىنە قاجىلىق جاساۋعا كەلۋشىلەر سانى بىلتىرعى دەرەكپەن سالىستىرعاندا 7 پايىزعا ارتقان. مەككەدەگى ءال-حارام مەشىتىن قالپىنا كەلتىرۋ جۇمىستارىنىڭ جۇرگىزىلىپ جاتقانىنا قاراماستان مۇنشا ادامنىڭ جينالۋى ايتارلىقتاي كورسەتكىش بولىپ تابىلادى.

قاجىلىق مۇسىلماننىڭ بەس پارىزىنىڭ ءبىرى جانە سوڭعىسى بولىپ تابىلادى.  شاريعات بويىنشا كامەلەتكە تولعان، اقىل-ەسى دۇرىس، دەنساۋلىعى جاقسى، داۋلەتى جەتەرلىك، وزگەگە قارىزى جوق مۇسىلمان عانا بۇل پارىزىن وتەي الادى. ونىڭ پارىزدىعى قاسيەتتى قۇراندا: «اللا ءۇشىن قاعبانى ادامدارعا قاجىلىق ەتۋ پارىز» («ءالي-يمران» سۇرەسى، 97 ايات)، - دەپ ۇقتىرىلسا، حاديس شاريفتە: «يسلام بەس نەگىزگە قۇرىلعان: اللا تاعالادان باسقا ءتاڭىر جوق جانە مۇحاممەد ونىڭ ەلشىسى دەپ كۋالىك ەتۋ. ناماز وقۋ. زەكەت بەرۋ. رامازان ايىندا تولىق ورازا ۇستاۋ. بايتۋللاعا قاجىلىققا بارۋ»، - دەلىنگەن.

شاريعاتتا - ارنايى ۋاقىتتا ياعني قاسيەتتi رامازان ايىنان كەيiنگi ايدان باستاپ ءزۇلحيججا ايىنىڭ 10-12 كۇندەرiنە دەيiن ارنايى مەكەندە ياعني ساۋد ارابياسىنىڭ مەككە قالاسىندا تابىلىپ، ارنايى بەكiتiلگەن يحرامعا كiرۋ، كاعبانى جەتi اينالىپ ءتاۋ ەتۋ، سافا مەن مارۋا اراسىندا ساعيي جاساۋ، ارافادا تۇرۋ، مۇزداليفادا تۇنەۋ، شايتانعا تاس اتۋ سياقتى امالداردى ورىنداۋ دەپ ءتۇسiنۋ ءلازiم. (قازاقشا Wikipedia-دان الىندى)

قامشى-اقپارات