ءبۇتىن ەلدى الاڭداتقان كالاچيدەگى  "ۇيقى اۋرۋى" تاعى دەندەدى. بۇل تۋرالى وڭىردەگى "قازاقپارات" تىلشىسىنە ەسىل اۋداندىق اۋرۋحانانىڭ دارىگەرلەرى ءمالىم ەتكەن. اۋداندىق اۋرۋحانا دارىگەرىنىڭ سوزىنە قاراعاندا، بۇل جولى اۋىرىپ تۇسكەن اعايىندى 2 جانە 10 جاسار ەكى بالانىڭ بىرىنەن "ۇيقى اۋرۋىنىڭ" بەلگىسى تابىلىپتى.  قازىرگى كەزدە، "ۇيقى اۋرۋىنا" شالدىققان 2 جاستاعى ءبۇلدىرشىننىڭ جاعدايى جامان ەمەس كورىنەدى. دارىگەرلەردىڭ باقىلاۋىنا الىنىپ، ءتيىستى ەم-دوم قابىلداۋدا ەكەن.

ەسكە سالساق، وسىدان تۋرا ءبىر جارىم جىل بۇرىن اقمولا وبلىسى ەسىل اۋدانىنداعى كالاچي اۋىلىندا تۇرعىنداردىڭ ۇيقى اۋرۋىنا شالدىققانى جونىندە العاشقى اقپارات تاراعان بولاتىن. بۇگىنگى كۇنى وسى اۋرۋعا شالدىققانداردىڭ سانى 45-كە جەتكەن. ءدال ءقازىر ولاردىڭ قانداي اۋرۋمەن اۋىراتىنىن جانە وعان نە سەبەپ بولىپ وتىرعانىن مەديسينا انىقتاي الماي وتىر.

قامشى-اقپارات