ەلباسىنىڭ ديماشقا باتا بەرۋى (ۆيدەو)

    Assem Almuhanbet
    ەلباسىنىڭ ديماشقا باتا بەرۋى  (ۆيدەو)

    نۇرسۇلتان نازاربايەۆ بەيبىتشىلىك جانە كەلىسىم سارايىندا ديماش قۇدايبەرگەنمەن كەزدەستى دەپ حابارلايدى قامشى اقپاراتتىق اگەنتتىگى. 

    ق ر پرەزيدەنتى نۇرسۇلتان نازاربايەۆ ديماش قۇدايبەرگەنگە اق باتاسىن بەردى. الەمدىك ساحنادا ونەر كورسەتىپ، قازاق ەلىن دۇنيەجۇزىنە تانىتىپ جۇرگەن ديماشتى ەڭ الدىمەن ەڭبەگىنىڭ، ودان كەيىن قۇداي بەرگەن تالانتىنىڭ ارقاسىندا زور جەتىستىكتەرگە جەتكەنىن تىلگە تيەك ەتىپ، داۋسىن ساقتاۋعا كەڭەس بەردى. 

    "سەنىڭ بويىڭدا ايرىقشا دارىن بار. سونى ساقتاي ءبىل. مەن سەنىڭ بولاشاعىڭنىڭ جارقىن بولۋىن تىلەيمىن. حالقىڭا قىزمەت ەتۋ جولىندا قۋاتىڭ سارقىلماعاي. سەنى ءقازىر بارلىق جەرگە شاقىرىپ جاتىر. سول ءۇشىن ساعان مىقتى دەنساۋلىق كەرەك" دەپ باتاسىن بەردى ەلباسى. 

    ديماش الەمنىڭ قاي تۇكپىرىنە بارساق تا قازاقستاننانبىز دەپ باسىمىزدى تىك كوتەرىپ، ورەسى بيىك ەل ەكەنىمىز كورسەتە وتىرىپ، ماقتانىشپەن بايقاۋعا باراتىنىن ايتىپ، تاۋەلسىزدىك پەن بەيبىت ءومىر ءۇشىن مەملەكەت باسشىسىنا العىس ءبىلدىردى. ءانشى ارمانى تۋرالى دا ايتىپ ءوتتى.

    "مەن ءۇشىن سىزدەن باتا الۋ ۇلكەن باقىت. ۇلكەن ارەنادا جەكە كونسەرتىمدى بەرۋ مەنىڭ ارمانىم. سول ارمانىمنىڭ ورىندالۋىنا دەمەۋ ءبىلدىرىپ جاتقانىڭىزعا راحمەت ايتامىن" دەدى ديماش. 

     

     

    قاتىستى ماقالالار