قاراعاندىدا 2 جاسار قىزدىڭ دەنەسىن ورتەگەن ەرلى-زايىپتىعا ۇكىم شىقتى

    Nazerke Labihan
    قاراعاندىدا 2 جاسار قىزدىڭ دەنەسىن ورتەگەن ەرلى-زايىپتىعا ۇكىم شىقتى

    قاراعاندىدا ەكى جاسار قىزدىڭ دەنەسىن ورتەگەن ەرلى-زايىپتىلارعا ۇكىم شىقتى دەپ حابارلايدى قامشى اقپاراتتىق اگەنتتىگى stan.kz-كە سىلتەمە جاساي وتىرىپ.

    قاراعاندىدا ەكى جاسار قىزدىڭ دەنەسىن پەشكە ورتەگەن ەرلى-زايىپتىلارعا ۇكىم شىقتى. ق ر قك-نىڭ 99-بابى بويىنشا (ادام ءولتىرۋ) ايىپ تاعىلعان قاراعاندى تۇرعىنى ۆلاديمير زەلەنىيدى جازاسىن ەرەكشە تارتىپتەگى كولونيادا وتەيدى. سوت شەشىمى ساي،  ۆلاديمير زەلەنىي 23 جىلعا باس بوستاندىعىنان ايىرىلدى.

    ولتىرىلگەن ءبۇلدىرشىننىڭ اناسى يليانا دروگاندى ق ر قك-نىڭ 334-بابى "قىلمىس تۋرالى حابارلاماۋ" بويىنشا جازاسىن قاتاڭ تارتىپتەگى كولونيادا وتەيدى. ونى التى جىلعا باس بوستاندىعىنان ايىرۋ تۋرالى شەشىم شىقتى

    "اكەسى كىشكەنتاي دروگاننىڭ كەۋدەسىنە ەكى اياعىمەن سەكىرىپ ولتىرگەنى انىقتالدى. اتالعان قىلمىستى اكەسى  جابىرلەنۋشىنىڭ اناسىنىڭ كوزىنشە جاساعان. ول قىزىن قۇتقارۋ ءۇشىن ەشقانداي ارەكەت جاساماي، اكەسىمەن بىرگە "پەتۋشوك" ساياجاي قاۋىمىنا قونۋعا كەتكەن"، — دەپ حابارلادى قاراعاندى وبلىسى قىلمىستىق ىستەر جونىندەگى اۋدانارالىق مامانداندىرىلعان سوتىنىڭ سۋدياسى يسلامحان ەسەنبايەۆ.

     ەسكە سالا كەتەيىك، قايعىلى وقيعا وتكەن جىلدىڭ اقپان ايىندا بولعان. تەرگەۋ مالىمەتتەرى بويىنشا، ەرلى-زايىپتىلار ەكى بالاسىمەن بىرگە ساياجايعا بارا جاتادى. قاراعاندى مەن ۇشتوبە اۋىلىنىڭ اراسىنداعى جولدا توڭىپ قالعان قىز قاتتى جىلاعان. ماس بولعان ەر ادام جىلاعان شۋدى كوتەرە الماعاي، ءبۇلدىرشىندى قارعا جاتقىزىپ، ولتىرگەن.

    قاتىستى ماقالالار