رەسەي بيلىگى ۋكراينانىڭ شىعىسىنداعى ءورىستىلدى تۇرعىندارعا قاتىستى "گەنوسيد جاسالۋىنا" بايلانىستى قىلمىستىق تەرگەۋ باستاعان. بۇل تۋرالى «ازاتتىق راديوسى» جازدى.
رەسەي فەدەرالدىق تەرگەۋ كوميتەتىنىڭ مالىمدەۋىنشە، كييەۆتەگى ازاماتتىق جانە اسكەري بيلىك دونەسك جانە لۋگانسك وبلىستارىنداعى ءورىستىلدى ازاماتتاردى "تولىقتاي جويۋعا باعىتتالعان بۇيرىقتار بەرىپتى". قۇجاتتا قىرعىندى ۋكراين اسكەرى "شابۋىلداۋشى قارۋ-جاراقتىڭ اۋىر تۇرىمەن، ونىڭ ىشىندە "گراد" دۇركىندەتە اتاتىن رەاكتيۆتى كەشەنىنىڭ كومەگىمەن جاساعانى" ايتىلعان.
ماسكەۋ ناۋرىز ايىندا ۋكراينادان قىرىم تۇبەگىن اننەكسيالاپ العان ەدى جانە بۇل ارەكەتىن ايماقتاعى ەتنيكالىق ورىستاردى قورعاۋ قاجەتتىگىنەن تۋىندادى دەپ تۇسىندىرگەن بولاتىن. ءبىراق ۋكراينا مەن باتىس ەلدەرى ءورىستىلدى تۇرعىنداردىڭ قۋدالانۋى تۋرالى مالىمدەمەلەردى جوققا شىعارادى، ساراپشىلاردىڭ پىكىرىنشە ماسكەۋدىڭ كەزەكتى ۋكرايناداعى ورىستىلدىلەرگە «جاناشىرلىعى» تاعى ءبىر ەكسپانسياعا سىلتاۋ بولۋى مۇمكىن.
قامشى-اقپارات
پىكىر قالدىرۋ