قىتايدىڭ ۇيعىرلارعا باعىتتالعان اۋىر جازالاۋ ساياساتى جالعاسۋدا. بۇل تۋرالى تۇرىكتىڭ ترت-قازاق ارناسى حابارلادى.
ۇيعىر اۆتونوميالىق ايماعىنىڭ قاشقار قالاسى سوتى يمام جۇما ءتاحيردىڭ ولتىرىلۋىمەن بايلانىستى 2 ۇيعىرعا ءولىم جازاسىن، 1 ۇيعىرعا ءومىر بويى باس بوستاندىعىنان ايىرۋ جازاسىن كەسكەن. جۇڭگو سوتى ۇزاق ۋاقىتتان بەرى داعدارىستار جالعاسقان ۇيعىر اۆتونوميالىق ايماعىندا تەررور جانە بولشەكتەنۋشىلىكپەن ايىپتاعان كىسىلەرگە اۋىر جازالار بەرىپ كەلەدى. قاشقار سوتى 2 ۇيعىر جاسقا «تەررور ۇيىمى قۇرۋ جانە قاستاندىق جاساۋ» ايىپتارىن تاعىپ وتىر.
جۇڭگو سوتى قىركۇيەك ايىنىڭ باسىندا عانا 3 ۇيعىرعا قاندى كۋنمينگ شابۋىلدارىنا قاتىستى دەگەن ايىپ تاعىپ، دارعا اسۋ جازاسىن بەرگەن بولاتىن. وتكەن اپتادا ۇلتى ۇيعىر عالىم يلحام توحتىنى ءومىر بويى باس بوستاندىعىنان ايىرۋى باتىستىق ساياساتكەرلەردىڭ نارازىلىعىن تۋدىرعان ەدى. رەسمي دەرەك بويىنشا شىڭجاڭ ولكەسىندە 1،5 جىلدا قاقتىعىستار سالدارىنان 400-گە جۋىق ادام قازا تاپقان.
قامشى-اقپارات
پىكىر قالدىرۋ