قازاق ەلىنىڭ ابىرويىن اسقاقتاتقان ديماش قۇدايبەرگەنوۆ بۇگىندە حالىقارالىق دارەجەدەگى ءانشى اتانىپ، الەمگە تانىمال تۇلعاعا اينالدى، دەپ حابارلايدى قامشى اقپاراتتىق اگەنتتىگى.

وسى كۇندە ديماش قىزداردىڭ جۇرەگىنەن ورىن الىپ، ءبىرشاما ارۋلاردىڭ ارمانىنا اينالعانى راس. الايدا كەز كەلگەن ەر ادامنىڭ قىز بالاعا قاتىستى وزىندىك تالاپتارى، ىشكى قالاۋلارى بار. ال ديماش وزىنە ۇنايتىن ارۋ جايىندا Fans Fans Nan You باعدارلاماسىندا بەرگەن سۇحباتىندا ايتىپ ءوتتى.

"قىزداردىڭ ءبارى جاقسى. اركىمنىڭ ءوز قالاۋى بولادى. ءوز باسىم نازىك، بيازى، ءيمانجۇزدى، سالماقتى، ەر ازاماتىن، ەر ازاماتىنىڭ اتا-اناسىن وتە سىيلايتىن، اقجارقىن مىنەزدى، كەڭ پەيىلدى، نازىك جۇرەكتى قىزداردى ۇناتامىن. سولاي بولۋى كەرەك دەپ ويلايمىن. ويتكەنى وشاق باسىن ۇستاپ تۇراتىن ءبىر ادام ەمەس، سول سەبەپتى ەر ازاماتتىڭ مەرەيىن ۇستەم قىلىپ وتىراتىن دا ايەل ادام ەكەنىن بىلەسىزدەر. "قانداي قىزدى ۇناتاسىڭ؟" دەگەن ءبىر سۇراققا جاۋاپ بەرگەندە "مەنىڭ انام سياقتى قىزداردى ۇناتامىن" دەر ەدىم. مەنىڭ انامنىڭ مىنەزى قانداي، ءدال سونداي مىنەزدى، ءدال سونداي جان، ءدال سونداي پەريزات تابىلسا، مەنىڭ كوڭىلىمدەگى قىز – سول بولماق"، – دەيدى ءانشى.