ابۋ دجاافار ماعان ومىردە قالاي تابىس تاباتىنىن ماقتانىشپەن ايتتى.

ول شاراپ شىعاراتىن زاۆودتا جۇمىس ىستەدى. سوسىن ادام ءتانىن ساۋدالايتىن ادامدارمەن كەزدەستى. وسىدان باستاپ ونىڭ قىزمەتى اشىنعاننان ءوز دەنە مۇشەلەرىن ساتۋعا دايىن ادامداردى تابۋ جانە سيريا مەن ليۆاننان اعىلعان بوسقىندار وعان ۇلكەن مۇمكىندىك تۋدىردى.

«ءيا، مەن ادامداردى پايدالانامىن»، -دەيدى ول سول كەزدەگى تۋعان سيرياسىنداعى ادامداردىڭ وڭاي ءولىپ كەتەتىنىن ەسكە الا وتىرىپ. ونىڭ ايتۋى بويىنشا، دەنە مۇشەسىن ساتۋ ولاردىڭ وتكەرگەن سۇمدىقتارىنىڭ قاسىندا تۇك ەمەس.

ول: «مەن ولاردى پايدالانامىن، ولار بولسا وسىدان پايدا تابادى»، - دەيدى.

ونىڭ كەڭسەسى بەيرۋتتىڭ وڭتۇستىگىندەگى حالىق تىعىز ورنالاسقان اۋداننىڭ توزىعى جەتكەن عيماراتىندا. بولمەدە توت باسقان ەسكى جيھازدارمەن بىرگە، ءاربىر بۇرىشتا  بۇيرا توتىقۇستار بار تورلار ورنالاسقان. ونىڭ ايتۋىنا قاراعاندا، سوڭعى 3جىلدا ول ، بۇل جەردە 30 بوسقىننىڭ دەنە مۇشەسىن ساتۋدى ۇيىمداستىرىپتى.

«ادەتتە بۇيرەكتى كوپ سۇرايدى،  الايدا مەن باسقا دەنە مۇشەلەرىندە تابا الامىن»،-دەيدى دجاافار.

«ءبىر كەزدەرى مەنەن كوز سۇراعاندار بولعان ، جانە مەن ءوز كوزدەرىن ساتۋعا دايىن كليەنتتى تاپتىم. - ءبىرىنشى كوزدى سۋرەتكە ءتۇسىرىپ الىپ ونى whatsaap ارقىلى ساتىپ الۋشىعى جىبەرىپ راستاتتىم،سوسىن ونى جەتكىزىپ بەردىم ».

ول جۇمىس ىستەيتىن جىڭىشكە شاعىن كوشەلەر بوسقىندارعا تولى. شامامەن ليۆانداعى ءاربىر ءتورتىنشى ادام كورشى سيريادان قاشىپ كەلگەندەر.

ولاردىڭ كوبىسى ليۆان زاڭى بويىنشا جۇمىس ىستەي المايدى. كوپتەگەن جانۇيالار سوڭعى دەممەن زورعا ءومىر سۇرەدى.

ولاردىڭ  ەڭ جانكەشتىلەرى سيريادا بوسقىن بولىپ ەسەپتەلگەن  پالەستينالىقتار. سول سەبەپتىدە بۇۇ-نىڭ بوسقىندارمەن اينالىساتىن اگەنتتىگى  ولاردى ليۆاندا زاڭدى تۇردە تىركەي الماعان.جانە ولارعا لىق تولى لاگەرلەردە تۇرۋمەن بىرگە  وتە تومەن دەڭگەيدەگى گۋمانيتارلىق كومەك قانا كورسەتىلەدى.

سيريادان 2015 جىلدىڭ مامىرىنان بەرى كەلگەندەرمەن ليۆان بيلىگىنىڭ بۇۇ-نان بوسقىنداردى تىركەتپەۋگە بەرىلگەن ءوتىنىشى ولاردىڭ جاعدايىن قاتتى اۋىرلاتتى.

«بوسقىن دارەجەسىن الماعاندارعا بۇل جەردە وتە قيىن، ولار شاراسىز. وزدەرىنىڭ  دەنە مۇشەلەرىن ساتۋدان باسقا امالدارى جوق . ولار بارىنەن بەزىپ كەتكەندەر»، -دەيدى ابۋ دجاافار. كەيبىر بوسقىندار نەگىزىنەن بالالار، ولار كوشەدە قايىر تىلەيدى. كىشكەنتاي ەر بالالار اياق كيىم تازالايدى، كەيبىرەۋلەرى كەپتەلىستەگى كولىكتەردىڭ اراسىمەن مايلىق، ساعىز ساتۋمەن اينالىسادى نەمەسە بالا ەڭبەگىن پايدالانۋدىڭ قۇربانى بولادى. ال باسقالارى جەزوكشەلىككە سالىنادى.

ءبىراق دەنە مۇشەسىن ساتۋ بىردەن كوپ اقشا تابۋدىڭ جالعىز جولى دەيدى.

ابۋ دجاافار دەنە مۇشەسىن ساتقىسى كەلەتىندەردى  تابا سالىسىمەن، بەلگىلىنگەن كۇنى ولاردى كوزدەرىن بايلاپ قۇپيا ورىنعا اپارادى.

كەيدە دارىگەرلەر الدىن الا دونورلارعا بازالىق قان ساراپتاماسىن جاساۋ ءۇشىن، وتانى ۋاقىتشا سالىنعان جىلجىمالى كلينيكالاردا جاسايدى.

ول: «وتا بىتە سالىسىمەن، مەن ولاردى قايتا ۇيلەرىنە جەتكىزەمىن»، - دەيدى.

«مەن ولارعا ءبىر اپتا بويى ءجىبى الىنعانشا قارايلاسامىن، ءجىبى الىنعان سوڭ ءبىزدىڭ ولاردا شارۋامىز جوق،-دەپ جالعاستىرادى دجاافار. - ولار ولە مە، جوق پا، ماعان نەگىزى ءبارى ءبىر. قالاعانىمدى الدىم.ولار ءارى قاراي نە ىستەيدى وندا مەنىڭ شارۋام جوق، ەڭ باستىسى كليەنت ءوز اقشاسىن السا بولدى.

ونىڭ  ەڭ  سوڭعى  كليەنتى اكەسىمەن اعاسىنىڭ ولىمىنەن كەيىن سيريادان بوسىپ كەلگەن 17 جاسار  بالا.

ول بالا ليۆاندا 3 جىلدان بەرى تۇرادى. جينالعان قارىزبەن جۇمىستىڭ جوقتىعىنان اناسىمەن وتباسىنداعى 5 اپكەلى-سىڭلىلى باۋىرلارىن اسىراۋعا مۇمكىندىگى بولمادى.

سول ۇشىندە ابۋ دجاافاردىڭ كومەگىنە جۇگىنىپ وڭ جاق بۇيرەگىن 8000 دوللارعا  ساتۋعا كەلىستى.

وتادان  كەيىن  ەكى  كۇن  وتكەن سوڭ،  قابىلداعان دارىلەرىنە قاراماستان وعان قاتتى اۋىر بولدى. ول توزىعى جەتكەن ديۆاندا بىرەسە وتىرۋمەن، بىرەسە تۇرۋمەن بولدى. ونىڭ ءجۇزى ازاپتان شىققان تەردەن جارقىراپ تۇردى. ال تاڭىلعان جەرىنەن قان اقتى.

ابۋ دجاافار سوڭعى ىسىندە نەشە العانىن ايتۋدان باس تارتتى.ونىڭ ايتۋى بويىنشا، ساتىپ الۋشىلاردىڭ دەنە مۇشەلەردى ودان ءارى قاراي نە ىستەيتىنىن بىلمەيتىن كورىنەدى. مۇمكىن شەتەلگە اكەتەدى دەپ ويلايتىنىن ايتتى.

تاياۋ شىعىستاعى ءداستۇرلى جانە ءدىني قاتىناستاردىڭ اسەرىنەن ترانسپلانتاسيا ءۇشىن دونورلىققا دەنە مۇشەلەر جەتىسپەيدى، جانە كوپ وتباسىلار ولگەندەردى بىردەن جەرلەۋدى ءجون كورەدى دەيدى ول.

ءبىراق ابۋ دجافاار ليۆاندا ءوزى سياقتى كەم دەگەندە 7 ادام بارىن راستايدى.

ول ءوز سوزىندە: «بيزنەس دامۋدا، جانە دامىلسىز وسۋدە. سيرياداعى ميگراسيالىق تولقىنىستان كەيىن، ليۆاندا سۇرانىس ارتتى»،-دەپ اعىنان جارىلدى.

ول ءوزىنىڭ زاڭ بۇزىپ جۇرگەنىن بىلەتىن كورىنەدى، الايدا بيلىكتەن قورىقپايمىن دەيدى. ونىڭ ۇيالى تەلەفونىنىڭ ءنومىرى ءۇيىنىڭ ماڭىنداعى قابىرعادا بالوندى سىرمەن جازىلعان.

ونى ءوز اۋدانىندا ءبارى سىيلايتىن جانە قورقاتىن كورىنەدى. ونىمەن باستەسۋگە نەمەسە قالجىڭداسۋعا ەشكىمنىن جۇرەگى داۋالامايدى ەكەن.

ءبىز ونىمەن سويلەسكەن كەزدە ونىڭ بۇيىرىندە تاپانشا بولدى.

«مەن نەمەن اينالىسىپ جۇرگەنىمدى بىلەم زاڭسىز، ءبىراق ادامدارعا كومەكتەسىپ ءجۇرمىن»،-دەيدى ول.

دجاافار : «مەن بىلاي ويلايمىن.كليەنت بۇل اقشالاردى ءوزى جانە وتباسى ءۇشىن جاقسى ءومىر سۇرۋگە جۇمسايدى.ول ادام كولىك ساتىپ الىپ، تاكسي جۇرگىزۋشىسى بولا الادى.ءتىپتى باسقا قالاعا كەتە الادى»، - دەيدى.

ونىڭ ايتۋى بويىنشا زاڭ ونىڭ قاپتالىنان كەلمەيتىن كورىنەدى.ءدال وسى زاڭ- ادامداردى كەدەي قىلىپ، ولاردى جۇمىس پەن كومەكتەن شەكتەيدى دەيدى.

«مەن ەشكىمدى وتا جاساتۋعا ماجبۇرلەمەيمىن، تەك وتىنىشتەرى بويىنشا كومەك كورسەتەمىن»،-دەدى ول.

ول شىلىمىن تۇتاتىپ تۇرىپ، ءسال قاسىن تىكىرەيتىپ: «كوزىڭىزدى نەشەگە باعالايسىز دەپ سۇرادى».

ابۋ دجاافار،بۇل - ونىڭ بۇركەنشىك اتى.ول بي-بي-سي-گە ءانونيمدى تۇردە سۇحبات بەرۋگە كەلىسكەن.

اۋدارعان:ارافات دەربەس ۇلى