تولاستاماي جاۋعان جاڭبىردىڭ سالدارىنان قىرعاۋىلدى وزەنىنىڭ سۋى اڭعارىنان اسىپ، ساياجاي ۇيلەرىن سۋ باستى. بۇل تۋرالى Tengrinews.kz تىلشىسىنە الماتى وبلىستىق تجد وكىلى ازامات جۇرتبايەۆ حابارلادى.

وبلىستىق تجد مالىمەتىنشە، قۇبىر وتكىزگىشتەرى قوقىسپەن بىتەلىپ قالعان، سالدارىنان وزەننىڭ كەي تۇستارىندا سۋ دەڭگەيى كوتەرىلگەن. قاراساي اۋدانىندا، رايىمدەك اۋىلىندا، "اقساي-19"، "تورپەدا"، "ترۋد" ساياجاي قونىستارىن سۋ باسقان. 

سونداي-اق، الماتى-جاندوسوۆ تاسجولىن سۋ الدى (23ء-شى شاقىرىم). وبلىستىق تجد وكىلدەرىنىڭ ايتۋىنشا، قازىرگى تاڭدا سۋ العان ەلدى مەكەندەرگە جولدار جابىق، ال تاسجولدار اشىق تۇر. 

"قازىرگى تاڭدا 151 ساياجاي ۋچاسكەسىن سۋ الدى. ەكى ادام ەۆاكۋاسيالاندى. تازالاۋ، جاعالاۋدى نىعايتۋ جانە قارعالى وزەنىنىڭ اڭعارىن تەرەڭدەتۋ جۇمىستارى جۇرگىزىلىپ جاتىر، الماتى-جاندوسوۆ تاسجولىنداعى كوپىر تازارتىلدى. ادامداردى ەۆاكۋاسيالاۋعا 50 ورىندىق مەكتەپ پەن ەكى اۆتوبۋس دايىندالدى"، - دەدى جۇرتبايەۆ. 

سونىمەن قاتار، رەداكسياعا كەلىپ تۇسكەن مالىمەتتەر بويىنشا، الماتىنىڭ الاتاۋ اۋدانىنداعى، رىسقۇلوۆ داڭعىلىنىڭ تومەن جاعىندا بىرنەشە ءۇيدى سۋ باسقان.
 

،