ق ر ۇكىمەتى تەرروريستىك ارەكەت ءۇشىن ازاماتتىقتان ايىرۋ جونىندەگى تۇزەتۋلەردى ماقۇلدادى. الايدا ق ر اقپارات جانە كومۋنيكاسيالار ءمينيسترى داۋرەن ابايەۆتىڭ پىكىرىنشە، بۇل ماسەلە بويىنشا تۇبەگەيلى بايلام جاساۋعا ەرتەرەك.
«بۇل ماسەلە ازىرگە بەلسەندى تالقىلانۋ ۇستىندە. مەن زاڭ قابىلداناردان بۇرىن بارلىق پىكىرلەر ەسكەرىلەدى دەگەن ويدامىن. بۇل جەردە ماڭىزدى ءبىر ماسەلە بار. تەرروريستىك ارەكەتتەردىڭ اۋماعى الەم بويىنشا كەڭەيە تۇسۋدە جانە ول ءتۇرلى جاعدايلاردا جۇزەگە اسىرىلۋدا. تەرروريزممەن كۇرەستىڭ ناقتى ءتيىمدى ءادىسى ءالى تابىلعان جوق. الەم ەلدەرىنىڭ بارلىعى قال-قادەرلەرىنشە ونى ىزدەستىرۋدە. شۆەيساريادا تەرروريستەردى ازاماتتىقتان ايىرۋ جونىندەگى ماسەلە بىرنەشە مارتە كوتەرىلدى. سونداي-اق اتالمىش تاقىرىپ الەمنىڭ كوپتەگەن ەلدەرىندە تالقىلانۋدا»،-دەدى مينيستر «حابار» تەلەارناسىنداعى «اشىق ديالوگ» اتتى جوبا اياسىندا.
داۋرەن ابايەۆتىڭ سوزىنشە، زاڭ جوباسىنىڭ بۇل نورماسى شەت مەملەكەتتەردە سوعىسىپ جۇرگەن ازاماتتارعا باعىتتالعان.
«ءبىز اسكەري قيمىلدارعا ۇيرەنگەن ادامداردىڭ ەلىمىزگە كەلىپ، ءقاۋىپ ءتوندىرۋىن قالامايمىز. بۇل ماسەلە بويىنشا ناقتى شەشىم قابىلدانعان جوق، تاقىرىپ تالقىلانۋدا. بۇدان دا جان-جاقتى ۇسىنىس، پىكىرلەردى ءبىز پارلامەنت قابىرعاسىندا تىڭدايمىز»،-دەدى ابايەۆ.
