قازاقستان قالا تۇرعىندارى دۇنيەجۇزىلىك ادامي دامۋ رەيتينگىسىندە – 50 ورىندا بولسا، ال اۋىلدىق تۇرعىندار – 96 ورىندا، دەپ حابارلايدى palata.kz
ق ر پارلامەنتى ماجىلىسىندە وتكەن «نۇر وتان» پارتياسىنىڭ كەڭەيتىلگەن جينالىسىندا «قازاقستان رەسپۋبليكاسىنداعى كاسىپكەرلىكتىڭ دامۋى. اعىمداعى سىن-تەگەۋرىندەر جانە كەلەشەگى» تاقىرىبى كۇن تارتىبىندە تالقىلاندى. وسى رەتتە كاسىپكەرلىك ءبىلىم بەرۋ احۋالىنا ساراپتاما جاسالدى.
«اتامەكەن» ۇلتتىق كاسىپكەرلەر پالاتاسى باسقارما ءتوراعاسى ورىنباسارى ەلدار جۇماعازييەۆ رەسپۋبليكانىڭ تۇكپىر-تۇكپىرىندە جۇرگىزىلىپ جاتقان «باستاۋ بيزنەس» جوباسى بويىنشا بايانداما جاسادى. ايتا كەتەلىك، 1 قانتاردا كۇشىنە ەنگەن 2017-2021 جىلدارىنا ارنالعان «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» مەملەكەتتىك باعدارلاماسى اياسىندا اتامەكەن» ۇلتتىق كاسىپكەرلەر پالاتاسى قارجىلاي ەمەس وپەراتورى رەتىندە 14 وبلىستىڭ 80 اۋدانىندا «باستاۋ بيزنەس» مەكتەپتەرىن ىسكە قوستى.
«بۇۇ دامىتۋ باعدارلاماسىنىڭ 2016 جىلى وتكىزىلگەن زەرتتەۋ ناتيجەسىنە سۇيەنسەك، ەلىمىزدىڭ قالا تۇرعىندارى دۇنيەجۇزىلىك ادامي دامۋ رەيتينگىسىندە – 50 ورىندا بولسا، ال اۋىلدىق تۇرعىندار – 96 ورىندا. بۇل رەيتينگتىڭ نەگىزگى كورسەتكىشتەرىنىڭ ءبىرى تۇرعىنداردىڭ ءبىلىم الۋ دەڭگەيى ەكەنىن ەسكەرسەك، اۋىل تۇرعىندارىن بيزنەسكە باۋلۋ ءۇشىن بارىنشا قاراپايىم، قولجەتىمدى تەتىكتەرى جاسالىپ، بەرىلگەن اقپارات مەنتالدى، تىلدىك تۇرعىدان تۇسىنىكتى بولۋى شارت»، – دەدى ەلدار جۇماعازييەۆ.
«Bastau بيزنەس» جوباسى بويىنشا بيىلعى جىلدىڭ ءساۋىر ايىنان باستاپ 4188 جۇمىسسىز جانە ءوزىن-وزى جۇمىسپەن قامتىعان ادام تەستىلەۋگە قاتىسىپ، بيزنەس اشۋعا ىقىلاس بىلدىرگەن 3258 ازامات جوبا اياسىندا كاسىپكەرلىكتىڭ قىر-سىرىن وقۋدا. ءبىرىنشى كەزەڭ ناتيجەسىندە 2000-عا تارتا جاڭا بيزنەس-جوبا جاسالادى دەپ كۇتىلەدى.
«Bastau بيزنەس» اۋىل تۇرعىندارىنىڭ الەۋەتىن كوتەرۋگە باعىتتالعان جوبا. ەلدىڭ تۇپكىر-تۇپكىرىنەن ىرىكتەپ الىنعان 95 بيزنەس-ترەنەر جوعارى ەكونوميكا مەكتەبى نەگىزىندە ەكى اپتالىق ارنايى ترەنينگتەن ءوتىپ، دايىندىعى مەن بىلىكتىلىگى ەڭ جوعارى 80 بيزنەس-ترەنەر ەلىمىزدىڭ 80 اۋدانىنا جىبەرىلدى»، – دەدى ەلدار جۇماعازييەۆ.
30 كۇنگە سوزىلاتىن وقىتۋ مەرزىمى 12 مودۋلدەن قۇرالادى. مودۋلدەر بيزنەستى ەندى باستاپ جاتقان كاسىپكەرلەر ءۇشىن بارىنشا پايدالى. اتاپ ايتقاندا، كاسىپكەرلىك پسيحولوگياسى، بيزنەس جوسپارلاۋ، ماركەتينگ، سالىق رەجيمدەرى، وتكىزۋ نارىقتارى، قۇقىقتىق رەتتەۋگە قاتىستى بارلىق ماتەريالدار تاجىريبەلىك تۇرعىدان ءتۇسىندىرىلدى.
«باستاۋ بيزنەستى» ۇزدىك ءتامامداپ، ءوز بيزنەس-جوباسىن ءساتتى قورعاعاندار 18 ملن. تەڭگەگە دەيىن جىلدىق 6 پايىز مولشەرلەمەمەن وڭتايلى قارجىلاندىرۋ، بيزنەس اشقان سوڭ 12 ايعا دەيىن جان-جاقتى قولداۋدان باسقا تاعى ءبىر ارتىقشىلىعى بار. ول قاتىسۋشىلاردىڭ بيزنەس-جوباسىن قورعاۋعا دايىنداۋ، پسيحولوگيالىق تۇرعىدان قولداپ، پىسىقتاۋ كوزدەلگەن.
ەلدار جۇماعازييەۆتىڭ ايتۋىنشا جوبانى جۇزەگە اسىرۋدا بىرنەشە تۇيتكىلدەر بار. ماسەلەن، ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى اياسىنداعى بەرىلەتىن شاعىن نەسيەلەردىڭ جالپى سوماسى 27 ملرد. تەڭگەنى قۇرايدى. الايدا ولاردىڭ تەك 20 پايىزى (5،4 ملرد. تەڭگە) عانا باستاپقى بيزنەستى دامىتۋعا جۇمسالادى.
«شاعىن نەسيە بەرۋ تاجىريبەسىنە سۇيەنسەك، 5،4 ملرد. تەڭگە شامامەن 1080 ستارتاپ جوباسىن عانا قىرجىلاندىرۋعا جەتكىلىكتى. «باستاۋ بيزنەس» جوباسىنىڭ ماقساتى ينديكاتورلارى وسى قارجىلاندىرۋعا تىكەلەي بايلانىستى بولعاندىقتان، قازىرگى جاعدايدا اتالمىش ماسەلە KPI ورىنداپ، جاڭا 3000 شاعىن بيزنەس اشۋعا كەدەرگى بولىپ تۇر»، – دەدى ەلدار جۇماعازييەۆ.
ۇيىمداستىرۋشىلار قارجىلاندىرۋعا باعىتتالعان جالپى سومانىڭ كەمىندە 50 پايىزىن باستاپقى (ستارتاپ) بيزنەس نەسيەلەندىرۋگە جۇمساۋ تۋرالى شەشىم قابىلداۋدى ۇسىندى. بۇل نورما ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنىڭ ماقساتىمەن سايكەس كەلەدى.
جالپى «باستاۋ بيزنەس» بىرەگەي جوباسىنا دەگەن حالىقتىڭ قىزىعۋشىلىعى باسىم. وقۋعا قاتىسقىسى كەلەتىندەر كوپ. جوبا مەملەكەتتىك دەڭگەيدە العاش رەت وتكىزىلۋىنە قاراماستان، ۇلتتىق ەكونوميكا مينيسترلىگىمەن جاسالعان شارتىمەن قاراستىرىلعان مىندەتتەمەلەرمەن شەكتەلمەيدى. 2017 جىلى شارتتا ەسكەرىلمەگەن اۆتوماتتاندىرۋ سياقتى ءبىرقاتار جۇمىستاردى جاساپ، 2018 جىلدا جوبا اياسى كەڭەيىپ، بارلىق 160 سەلولىق اۋداندار قامتىعان كەزدە «باستاۋ بيزنەس» جوباسىنىڭ ناتيجەسى انىق بايقالادى.
