2016 جىلدىڭ  ناۋرىز  ايىندا  س.سەيفۋللين اتىنداعى قاراعاندى وبلىستىق قازاق دراما تەاترىنىڭ ساحناسىندا ب.بەكجانوۆتىڭ «ءومىر»  اتتى تۋىندىسى  ساحنالانىپ، كورەرمەن كوزايىمىنا اينالعان ەدى. بۇگىنگى كۇن تاقىرىبىن ارقاۋ ەتكەن زاماناۋي قويىلىم  قوعام دەرتىن  استارلى مەڭزەيدى. كەيىپكەرلەر تاعدىرىنىڭ ءوربۋى ارقىلى ەسەپكە قۇرالعان تۇرمىس، اقشا قاجەتتىلىگى ءۇشىن ارىن ساتۋعا ءماجبىر بويجەتكەن،بايلىققا كەنەلگەن باي-قۋاتتى ءومىر مەن ادامدىق جانە ار جولىن ىزدەگەن باس كەيىپكەر ءومىر ارقىلى ءۇش ءتۇرلى تاعدىر، ءۇش ءتۇرلى ءومىر جولى سۋرەتتەلەدى.

سپەكتاكلدىڭ قويۋشى رەجيسسەرى ق ر مادەنيەت قايراتكەرى، اباي فەستيۆالىنىڭ كۇمىس جۇلدەگەرى، 85 جىلدىق  تاريحى بار ساكەن تەاترىنىڭ ساحناسىندا سان قىرلى وبرازداردى سومداعان تالانتتى اكتەر، جازۋشى سلامبەك اينەكباي ۇلى جۇماعالي. رەجيسسەرلىك قولتاڭباسى قالىپتاسقان، اۆتور ويىنا وزىندىك پايىمىن شەبەر ۇيلەستىرۋشى رەجيسسەر س.اينەكباي ۇلىنىڭ  قاي قويىلىمى بولماسىن وزەكتى تاقىرىپتى قامتىپ، تەاتر رەپەرتۋارىنداعا ماڭىزدى قويىلىمعا اينالادى. «ءومىر» سپەكتاكلىنىڭ باس كەيىپكەرلەرىن تەاتردىڭ  تالانتتى اكتەرلەرى  ا.مۇقاشيەۆ (ءومىر)، ك.ۇيسىمبايەۆا (اينا) سومدايدى.

جاستار ءۇشىن سۇيىكتى قويىلىمعا اينالعان «ءومىر» سپەكتاكلى بۇگىن 28 ءساۋىر كۇنى (باست.18-30) ساكەن تەاترىندا ساحنالانادى. ماحاببات ماشاقاتى مەن سەزىم سەرگەلدەڭى، كۇتپەگەن كەزدەسۋ مەن اياۋشىلىق سەزىمى، جۇرەكسىز قوعامدا سەزىم ىزدەگەندەر تاعدىرى سۋرەتتەلەتىن قويىلىمدى جىبەرىپ الماڭىزدار!

نازەركە سلانبەك